കോട്ടയം: പാമ്പ്കടിയേറ്റ് ഗുരുതരാവസ്ഥയില് കഴിഞ്ഞിരുന്നു വാവാ സുരേഷിന്റെ നിലവിലെ അവസ്ഥയെക്കുറിച്ച് മെഡിക്കല് ബുളളറ്റിന് പുറത്തുവന്നു.നിലവില് മരുന്നുകളോട് പ്രതികരിക്കുന്നുണ്ട്. ഇന്ന് പുലര്ച്ചെ അവസ്ഥ കുറച്ച് ഗുരുതരമായിരുന്നു എങ്കിലും ഇപ്പോള് മാറ്റം ഉളളതായി മെഡിക്കല് സംഘം അറിയിച്ചു.
ഉച്ചക്ക് രണ്ടിനാണ് മെഡിക്കല് ടീം ബുളളറ്റിന് പുറത്ത് വിട്ടത്. 72 മണിക്കുര് കൂടി നിരീക്ഷണത്തില് തുടരണം. വെന്റിലേറ്ററില് തന്നെ തുടരും.ദ്രവരൂപത്തിലുയളള ആഹാരം കൊടുക്കുന്നുണ്ട്. തലച്ചോറിന്റെ പ്രവര്ത്തനത്തില് ആശാവഹമായ പുരോഗതിയുണ്ടെന്ന് മെഡിക്കല് കോളജ് സൂപ്രണ്ട് ടി.കെ. ജയകുമാര് പറഞ്ഞു.
ഇനിയുള്ള 48 മണിക്കൂര് അതീവ നിര്ണായകമാണ്. പൂര്ണ ആരോഗ്യവാനായി തിരിച്ചുവരാന് സമയമെടുക്കും. ഏഴു ദിവസം കഴിഞ്ഞു മാത്രമേ ഇക്കാര്യത്തില് എന്തെങ്കിലും പറയാന് സാധിക്കുകയുള്ളുവെന്നും ജയകുമാര് പറഞ്ഞു.
കഴിഞ്ഞ ദിവസം കുറിച്ചിയില് വെച്ചാണ് പാമ്പ്കടിയേറ്റത്.ഉടന് കോട്ടയത്തെ സ്വകാര്യ ആശുപ്ത്രിയിലും, പിന്നീട് മെഡിക്കല് കോളേജിലേക്കും മാറ്റി.
