ചെറുതോണി: പൈനാവിന് സമീപം മ്ലാവിനെ അവശനിലയില് കണ്ടെത്തി. കൊച്ചു പൈനാവ് മാറാപിള്ളി കവലയ്ക്ക് സമീപം പടിഞ്ഞാശേരിയില് ശശിയുടെ പുരയിടത്തിലാണ് മ്ലാവിനെ കണ്ടെത്തിയത്.
ഉദേശം 7 വയസ് പ്രായമുള്ള ആണ് മ്ലാവിനെയാണ് ഇന്നലെ കണ്ടെത്തിയത്. കഴുത്തിലെ ഞരമ്പിന് ക്ഷതമേറ്റതാവാം മ്ലാവ് അവശനിലയില് ആയതെന്ന് സംശയിക്കുന്നു. നാട്ടുകാരും വനപാലകരും ചേര്ന്ന് ശശിയുടെ പുരയിടത്തില് തന്നെ മ്ലാവിനെ ബന്ധിച്ചു. തുടര്ന്ന് നാരകക്കാനത്ത് നിന്ന് ഡോക്ടര് എത്തി മ്ലാവിന് ചികിത്സ നല്കി.
റസ്ക്യൂ റൂമിലേക്ക് മാറ്റാന് ആവാത്തതിനാല് സ്ഥലത്ത് തന്നെ ചികിത്സ നല്കുകയാണ് വനം വകുപ്പ്. ഭക്ഷണവും വെള്ളവും കഴിക്കാന് ശ്രമിക്കാത്തതിനാല് മ്ലാവ് കൂടുതല് അവശതയിലാണ്.
