തിരുവനന്തപുരം: സ്വതന്ത്ര്യ സമരത്തിത്തിലെ പോരാട്ട ചരിത്രങ്ങളിലൂടെ നടന്നു കയറി, ദേശീയതയുടെ സ്പന്ദിക്കുന്ന ആള്രൂപമായി മാറിയ മഹാനുഭാവനാണ് അഡ്വ. അയ്യപ്പന് പിള്ളയെന്ന് ബിജെപി ദേശീയ നിര്വ്വാഹക സമിതി അംഗം പി.കെ. കൃഷ്ണദാസ്.
ഗാന്ധി മന്ത്രം ജീവമന്ത്രമാക്കി ജീവിച്ച് അടുത്ത തലമുറയ്ക്ക് സ്വയം പാഠപുസ്തകമായിമാറിയ മഹാന്. ആദര്ശം അടിയറവുവയ്ക്കാതെ ഗാന്ധി മാര്ഗ്ഗവും ദര്ശനവും ജീവിതത്തിലുടനീളം പിന്തുടര്ന്നു. ത്യാഗമനസ്കതയ്ക്കും ലളിത ജീവിതത്തിനും അദ്ദേഹത്തെ പ്രചോദിപ്പിച്ചത് ഗാന്ധിജി തന്നെയായിരുന്നു. നോട്ടത്തിലും വാക്കിലും പ്രവര്ത്തിയിലും എപ്പോഴും അയ്യപ്പന് പിള്ള സാര് വിനയം കാത്തു സൂക്ഷിച്ചിരുന്നു.
മികച്ച അഭിഭാഷകനും അനന്തപുരിയുടെ കാരണവരുമായിരുന്ന അദ്ദേഹത്തിന്റെ വിയോഗം രാജ്യത്തിന് തന്നെ കനത്ത നഷ്ടമാണ്. അദ്ദേഹത്തിന്റെ ദേഹവിയോഗത്തില് പ്രാര്ത്ഥനകളും ആദരാജ്ഞലികളും അര്പ്പിക്കുന്നെന്നും കൃഷ്ണദാസ് അനുശോചന സന്ദേശത്തില് പറഞ്ഞു.
