മല്ലപ്പള്ളി: കോണ്ഗ്രസ് അംഗം അവിശ്വാസ പ്രമേയത്തെ പിന്തുണച്ചതിനെ തുടര്ന്ന് യുഡിഎഫിന് ബ്ലോക്ക് പഞ്ചായത്ത് ഭരണം നഷ്ടമായി. പത്തനംതിട്ട കോയിപ്രം ബ്ലോക്ക് പഞ്ചായത്ത് പ്രസിഡന്റ് ജിജി ജോണ് മാത്യുവിനെതിരെ കൊണ്ടുവന്ന അവിശ്വാസ പ്രമേയമാണ് ഇത്തരത്തില് പാസായത്.
കോണ്ഗ്രസ് അംഗം സജി പ്ലാച്ചേരിയാണ് എല്ഡിഎഫിന് അനുകൂലമായി വോട്ട് ചെയ്തത്. ആകെ 13 അംഗങ്ങള് ഉള്ളതില് ഏഴ് പേരാണ് എല്ഡിഎഫിനെ പിന്തുണച്ചത്. ഇതോടെ ജില്ലയിലെ മുഴുവന് ബ്ലോക്ക് പഞ്ചായത്തുകളും എല്ഡിഎഫ് ഭരണത്തിലായി.
കഴിഞ്ഞദിവസം മൂന്നാര് പഞ്ചായത്ത് ഭരണം ഇടതുമുന്നണി പിടിച്ചെടുത്തിരുന്നു. കൂറുമാറിയ അംഗങ്ങള് എല്ഡിഎഫിനൊപ്പം നിന്നതോടെയാണ് 11 വര്ഷമായി കോണ്ഗ്രസിനൊപ്പം നിലകൊണ്ടിരുന്ന പഞ്ചായത്ത് എല്ഡിഎഫിലേക്ക് എത്തിയത്. പ്രസിഡന്റ് തെരഞ്ഞെടുപ്പില് യുഡിഎഫ് സ്ഥാനാര്ത്ഥി ദീപയെ പരാജയപ്പെടുത്തി എല്ഡിഎഫിന്റെ പ്രവീണ രവികുമാര് പ്രസിഡന്റായി ചുമതലയേറ്റു. ഒമ്പതിനെതിരെ 12 വോട്ടുകള് നേടിയാണ് പ്രവീണയുടെ ജയം.
