തിരുവനന്തപുരം: രാഷ്ട്രപതിയുടെ വാഹന വ്യൂഹത്തിലേക്ക് തിരുവനന്തപുരം മേയറുടെ വാഹനം കയറ്റാന് ശ്രമിച്ചത് ഗൗരവതരമാണെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. രാഷ്ട്രപതിയുടെ വാഹനവ്യൂഹത്തിലേക്ക് അന്യവാഹനം കയറിയത് സുരക്ഷാവീഴ്ചയാണ്. മേയര്ക്കും കുറ്റക്കാര്ക്കുമെതിരെ നടപടിയെടുക്കാന് സര്ക്കാര് തയ്യാറാവണം.
ഇതിലെ പ്രോട്ടോകോള് ലംഘനം മനസിലാവാത്തത് മേയര്ക്ക് മാത്രമാണ്. രാഷ്ട്രപതിയുടെ കേരള സന്ദര്ശനത്തില് ഉത്തരവാദിത്വപ്പെട്ടവര് വലിയ വീഴ്ചയാണ് വരുതിയത്. അദ്ദേഹത്തിന്റെ വാഷ്റൂമില് വെള്ളമില്ലാത്ത സാഹചര്യം ഉണ്ടായെന്ന വാര്ത്ത ഞെട്ടിക്കുന്നതാണ്. കേരളത്തിന് മുഴുവന് നാണക്കേടുണ്ടാക്കുന്ന പ്രവര്ത്തനമാണ് അധികൃതരുടെ ഭാഗത്ത് നിന്നുണ്ടായത്. സര്ക്കാരിന്റെ ഭാഗത്ത് നിന്നുമുണ്ടായ അലംഭാവത്തെ കുറിച്ച് മുഖ്യമന്ത്രി മറുപടി പറയണമെന്നും സുരേന്ദ്രന് ആവശ്യപ്പെട്ടു.
