ന്യൂദല്ഹി: വീണ്ടും ഹിന്ദുക്കളെ അപമാനിച്ച് വയനാട് എംപി രാഹുല് ഗാന്ധി. ഇന്ത്യയുടെ ദുഃഖങ്ങള്ക്ക് കാരണം ഹിന്ദുത്വവാദികളാണ്. പണപ്പെരുപ്പത്തിനും ഇപ്പോഴുള്ള വേദനകള്ക്കും കാരണം ഇവര് തന്നെ. രാഷ്ട്രീയമായി ഇവരെ തൂത്ത് എറിയണമെന്നും അമേഠിയില് നടന്ന പൊതുയോഗത്തില് രാഹുല് ഗാന്ധി പറഞ്ഞു.
കുടുംബവും അമേഠിയും തമ്മിലുള്ള ബന്ധം ഒരിക്കലും തകര്ക്കാനാവില്ലെന്ന് രാഹുല് ഗാന്ധി പറഞ്ഞു. 2004ല് ഞാന് ആദ്യമായി ഇവിടെ വന്നപ്പോള് നിങ്ങള് എന്നെ സ്നേഹമെന്താണെന്നും രാഷ്ട്രീയമെന്താണെന്നും പഠിപ്പിച്ചുവെന്നും അദ്ദേഹം പറഞ്ഞു.
ലോക്സഭാ തെരഞ്ഞെടുപ്പില് നാണംകെട്ട തോല്വി ഏറ്റുവാങ്ങിയ ശേഷം ഇതാദ്യമായാണ് രാഹുല് ഗാന്ധി അമേഠിയിലെത്തുന്നത്. ഹിന്ദുക്കളെ നിരന്തരം അപമാനി രാഹുലിനെതിരെ ഹൈന്ദവ സംഘടനകള് രംഗത്തെത്തിയിട്ടുണ്ട്. നൂനപക്ഷങ്ങളുടെ വോട്ട് ഉറപ്പിക്കാനാണ് രാഹുല് ഗാന്ധി ഇത്തരം പ്രസ്താവനകള് നിരന്തരം നടത്തുന്നതെന്ന് ഈ സംഘടനകള് ആരോപിച്ചു.
