ന്യൂദല്ഹി: രാജ്യത്തെ കൊവിഡ് പ്രതിരോധ കുത്തിവയ്പ്പ് 127.93 കോടി പിന്നിട്ടു. കഴിഞ്ഞ 24 മണിക്കൂറില് 24,55,911 ഡോസ് വാക്സിനുകള് നല്കിയതോടെ തിങ്കളാഴ്ച രാവിലെ ഏഴ് മണി വരെയുള്ള താത്കാലിക കണക്ക് പ്രകാരം രാജ്യത്തിതുവരെ നല്കിയ ആകെ വാക്സിനുകളുടെ എണ്ണം 1,27,93,09,669 കോടി കടന്നു. 1,32,86,429 സെഷനുകളിലായാണ് ഇത്രയും ഡോസ് വാക്സിന് നല്കിയത്.
കഴിഞ്ഞ 24 മണിക്കൂറിനുള്ളില് 8,834 പേര് സുഖം പ്രാപിച്ചതോടെ രാജ്യത്താകെ ഇതുവരെ കൊവിഡ് മുക്തരായവരുടെ എണ്ണം 3,40,69,608.ആയി. ദേശീയ രോഗമുക്തി നിരക്ക് 98.35%. തുടര്ച്ചയായി 162 ാം ദിവസവും പുതിയ പ്രതിദിന രോഗബാധിതരുടെ എണ്ണം 50,000ത്തില് താഴെയാണ്. കഴിഞ്ഞ 24 മണിക്കൂറില് പുതുതായി രോഗം സ്ഥിരീകരിച്ചത് 8,306 പേര്ക്കാണ്.
നിലവില് രാജ്യത്ത് ചികിത്സയിലുള്ളത് 98,416 പേരാണ്. നിലവില് ചികിത്സയിലുള്ളത് രാജ്യത്തെ ആകെ രോഗബാധിതരുടെ 0.28 ശതമാനമാണ് മാര്ച്ച് 2020 മുതലുള്ള ഏറ്റവും കുറഞ്ഞ കണക്ക്. രാജ്യത്തെ പരിശോധനാ ശേഷി ഗണ്യമായി വര്ദ്ധിപ്പിച്ചതോടെ കഴിഞ്ഞ 24 മണിക്കൂറിനുള്ളില് 8,86,263 പരിശോധനകള് നടത്തി. ആകെ 64.82 കോടിയിലേറെ (64,82,59,067) പരിശോധനകളാണ് ഇതുവരെ നടത്തിയത്.
പരിശോധനകള് വര്ധിപ്പിച്ചപ്പോള് പ്രതിവാര രോഗസ്ഥിരീകരണ നിരക്ക് നിലവില് 0.78 ശതമാനമാണ് 22 ദിവസമായി 1% ത്തില് താഴെ. പ്രതിദിന രോഗസ്ഥിരീകരണ നിരക്ക് 0.94 ശതമാനമാണ്. കഴിഞ്ഞ 63 ദിവസമായി ഇത് രണ്ട് ശതമാനത്തില് താഴെയും, 98 ദിവസമായി 3 ശതമാനത്തില് താഴെയുമാണ്.
