കൊച്ചി: ഫോട്ടോഷൂട്ടിനെത്തിയ യുവതിക്ക് മദ്യവും മയക്കുമരുന്ന് കലര്ത്തിയ ശീതളപാനീയവും നല്കി കൂട്ടബലാല്സംഗത്തിന് ഇരയാക്കിയെന്ന കേസില് ആലപ്പുഴ ആറാട്ടുപുഴ സ്വദേശി സലിംകുമാറിനെ (33) പൊലീസ് അറസ്റ്റ് ചെയ്തു.
ഇടച്ചിറയിലെ ലോഡ്ജിലായിരുന്നു സംഭവം. മോഡലിങ് രംഗത്തുള്ള മലപ്പുറം സ്വദേശിയായ ഇരുപത്തിയേഴുകാരിയാണ് ലൈംഗിക പീഡനത്തിന് ഇരയായത്. സലിംകുമാറാണു യുവതിക്ക് ലോഡ്ജില് താമസ സൗകര്യം ലഭ്യമാക്കിയത്. ലോഡ്ജില് എത്താറുള്ള സലിംകുമാറും ഷമീര്, അജ്മല് എന്നിവരും ഈ മാസം 1 മുതല് 3 വരെ ലോഡ്ജില് വച്ച് യുവതിയെ ബലാല്സംഗത്തിന് ഇരയാക്കിയെന്നാണു കേസ്. ലോഡ്ജ് ഉടമയായ യുവതി അടക്കം മൂന്നു പേര്ക്കായി പൊലീസ് തിരച്ചില് നടത്തുന്നു. ലോഡ്ജിലെ രണ്ടു മുറി പൊലീസ് പൂട്ടി മുദ്രവച്ചു. ഒളിവിലായ പ്രതികള്ക്കായി തിരച്ചില് ഊര്ജിതമാണെന്ന് പോലീസ് വ്യക്തമാക്കി.
