ന്യൂദല്‍ഹി: വരാനിരിക്കുന്ന നാളുകളില്‍ കൊണ്‍ഗ്രസ് ഉള്ളില്‍ നിന്നും പൊട്ടിത്തെറിച്ചില്ലാതാകുമെന്ന് ഓള്‍ ഇന്ത്യ മജ്‌ലിസ് ഇത്തെഹാദുല്‍ മുസ്ലിമീന്‍ (എ ഐഎം ഐഎം) നേതാവ് അസദുദ്ദീന്‍ ഒവൈസി. ആജ് തക് ടിവിയുടെ അജണ്ട ആജ് തക് എന്ന സംവാദപരിപാടിയില്‍ സംസാരിക്കുകയായിരുന്നു ഒവൈസി.
ബംഗാള്‍ മുഖ്യമന്ത്രി മമത ബാനര്‍ജിയുടെ തൃണമൂല്‍ കോണ്‍ഗ്രസ് മറ്റ് സംസ്ഥാനങ്ങളില്‍ വളരുന്നതിനെക്കുറിച്ചുള്ള ചോദ്യത്തിന് മറുപടി പറയുകയായിരുന്നു ഒവൈസി. ‘അവര്‍ മറ്റ് സംസ്ഥാനങ്ങളില്‍ അവരുടെ പോരാട്ടം തുടരും. പക്ഷെ കോണ്‍ഗ്രസ് അടുത്ത രണ്ടോ മൂന്നോ വര്‍ഷങ്ങള്‍ക്കുള്ളില്‍ ഉള്ളില്‍ നിന്നും പൊട്ടിത്തെറിക്കും’.
ഒവൈസിക്ക് രാഹുല്‍ ഗാന്ധിയോട് വിശ്വാസമുണ്ടോ എന്ന ചോദ്യത്തിന് ഒവൈസിയുടെ മറുപടി ഇതായിരുന്നു: ‘ആരാണ് രാഹുല്‍ഗാന്ധി? എനിക്ക് അയാളെ അറിയില്ല. നിങ്ങള്‍ക്കറിയാമെങ്കില്‍ പറഞ്ഞുതരൂ’.
