തിരുവനന്തപുരം: ഹോട്ടലുകളില്‍ ഹലാല്‍ ബോര്‍ഡ് വയ്‌ക്കുന്നതിനെതിരേ യുഡിഎഫ് കണ്‍വീനര്‍ എം.എം ഹസന്‍. ഹോട്ടലുകളില്‍ ചെന്ന് ആവശ്യമുള്ള ഭക്ഷണം ചോദിച്ചു വാങ്ങി കഴിച്ചാല്‍ പോരേയെന്നും എന്തിനാണ് ഹലാല്‍ ബോര്‍ഡുകള്‍ വയ്‌ക്കുന്നതെന്നും ഹസന്‍ ചോദിച്ചു. ഹലാലിനെതിരെ സംസ്ഥാന വ്യാപകമായി പ്രതിഷേധം ഉയര്‍ന്ന് വരുന്ന സാഹചര്യത്തിലാണ് ഹസനും ഇതിനെതിരെ പരസ്യമായി രംഗത്തെത്തിയിരിക്കുന്നത്.
എന്നാല്‍, ഹലാല്‍ വിവാദം കേരളത്തിന്റെ മതമൈത്രി തകര്‍ക്കാനുള്ള നീക്കമാണെന്നായിരുന്നു സിപിഎം പൊളിറ്റ് ബ്യൂറോ അംഗം കോടിയേരി ബാലകൃഷ്ണന്റെ പ്രതികരണം. സമൂഹത്തെ മതപരമായി ചേരിതിരിക്കാനുള്ള നീക്കത്തെ കേരള സമൂഹം ഒരു തരത്തിലും അംഗീകരിക്കില്ലെന്നുമായിരുന്നു കോടിയേരിയുടെ വാദം.
