തിരുവനന്തപുരം : ഓണക്കാലം കണക്കിലെടുത്ത് ഭക്ഷ്യവസ്തുക്കളുടെ ഗുണനിലവാരവും സുരക്ഷയും വിലയിരുത്താന് ഭക്ഷ്യസുരക്ഷാ വകുപ്പിന്റെ പരിശോധന കര്ശനമാക്കിയതായി ആരോഗ്യ ദേവസ്വം മന്ത്രി കെ. മുരളീധരന്.സുരക്ഷിതമായ ഭക്ഷണം ഉറപ്പാക്കും.ജൂലായ് 27 മുതല് ആരംഭിച്ച ഓണം സ്ക്വാഡിന്റെ ഭാഗമായി ഭക്ഷ്യസുരക്ഷാ വകുപ്പ് സംസ്ഥാനത്തുടനീളം പരിശോധന വ്യാപകമാക്കി.
സംസ്ഥാനത്ത് ആകെ 5016 പരിശോധനകള് നടത്തി നിയമലംഘനങ്ങള് കണ്ടെത്തിയതിന് 705 നോട്ടീസ് നല്കി.390 ഭക്ഷ്യ സ്ഥാപനങ്ങള്ക്ക് പിഴ ചുമത്താനുള്ള ശുപാര്ശ നോട്ടീസും നല്കി. പുറമെ 623 ഭക്ഷ്യ വസ്തുക്കളുടെ സ്റ്റാറ്റിയൂട്ടറി സാമ്പിളുകളും 1899 സര്വേലന്സ് സാമ്പിളുകളും ശേഖരിച്ചു.
ഓണക്കാലത്ത് വ്യാപകമായി ഉപയോഗിക്കുന്ന പപ്പടം, ശര്ക്കര, വെളിച്ചെണ്ണ, നെയ്യ് തുടങ്ങിയ ഭക്ഷ്യവസ്തുക്കളുടെ ഗുണനിലവാരം ഉറപ്പാക്കുന്നതിന് പ്രത്യേക പ്രാധാന്യം പരിശോധനയില് നല്കുന്നുണ്ട്.ഇവയുടെ ലേബല് വിവരങ്ങള്, നിര്മാണ- കാലാവധി തീയതികള്, ബാച്ച് നമ്പര്, ലൈസന്സ് വിവരങ്ങള്, ഘടകങ്ങളുടെ പ്രഖ്യാപനം, നിയമാനുസൃത ലേബലിംഗ് തുടങ്ങിയവ പരിശോധിക്കുന്നു. ശര്ക്കര, വെളിച്ചെണ്ണ, നെയ്യ് തുടങ്ങിയ പ്രധാന അസംസ്കൃത വസ്തുക്കളുടെ സാമ്പിളുകള് ശേഖരിച്ച് പരിശോധനയ്ക്കായി ലബോറട്ടറികളിലേക്ക് അയച്ചു ഗുണനിലവാരം ഉറപ്പ് വരുത്തും.
ഹോട്ടലുകള്, റെസ്റ്റോറന്റുകള്, കാറ്ററിംഗ് സ്ഥാപനങ്ങള്, ക്ലൗഡ് കിച്ചണുകള് എന്നിവിടങ്ങളിലും പരിശോധനകള്നടത്തുന്നു. ഓണ്ലൈന് പ്ലാറ്റ്ഫോമുകളിലൂടെ ഓണസദ്യയും മറ്റ് ഭക്ഷണപ്പൊതികളും വിതരണം ചെയ്യുന്ന ഭക്ഷ്യസംരംഭങ്ങള് ഭക്ഷ്യസുരക്ഷാ മാനദണ്ഡങ്ങള് കൃത്യമായി പാലിക്കുന്നുണ്ടെന്ന് ഉറപ്പാക്കുന്നതിന് പരിശോധനയുണ്ട്.
