ഡൽഹി: ജമ്മു കശ്മീരിലെ കോണ്ഗ്രസില് നേതൃമാറ്റം ആവശ്യപ്പെട്ട് ഗുലാം നബി ആസാദ് പക്ഷക്കാരായ 20 പേര് രാജിവെച്ചതിന് സോണിയയുടെ പ്രതികാരം. കോണ്ഗ്രസ് അച്ചടക്ക സമിതിയില് നിന്നും ഗുലാം നബി ആസാദിനെ ഒഴിവാക്കിക്കൊണ്ടാണ് സോണിയ ഇതിന് പ്രതികാരം ചെയ്തത്.
കോണ്ഗ്രസ് പാര്ട്ടിക്ക് സ്ഥിരം ദേശീയ അധ്യക്ഷനെ നിയമിക്കണമെന്നാവശ്യപ്പെട്ട് സോണിയ ഗാന്ധിക്ക് കത്തയച്ച ജി 23 നേതാക്കളില് പ്രമുഖനായിരുന്നു ഗുലാം നബി ആസാദ്. മുന് ആഭ്യന്തര മന്ത്രി സുശീല് കുമാര് ഷിന്ഡേയേും അരുണാചല് മുന്മുഖ്യമന്ത്രി മുകുത് മിത്തിയേയും പാനലില് നിന്നും ഒഴിവാക്കിയിട്ടുണ്ട്.
ഇതോടെ ഗുലാം നബി ആസാദിനോട് വിട്ടുവീഴ്ചയില്ലെന്ന തന്റെ നിലപാട് സോണിയ പരസ്യമായി പ്രഖ്യാപിച്ചിരിക്കുകയാണ്. കോണ്ഗ്രസ് അധ്യക്ഷ സോണിയ ഗാന്ധിയുടെ നേതൃത്വത്തില് കഴിഞ്ഞ ദിവസം നടത്തിയ പുനസംഘടനയിലാണ് ഗുലാം നബി ആസാദിനെ ഒഴിവാക്കിയത്.
മുന്മന്ത്രിമാരായ ജി.എം സറൂരി, വികാര് റസൂല്, ഡോ. മനോഹര് ലാല് ശര്മ, മുന് എം.എല്.എമാരായ ജുഗല് കിഷോര് ശര്മ, ഗുലാം നബി മോംഗ, നരേഷ് ഗുപ്ത, മുഹമ്മദ് അമിന് ഭട്ട്, സുബാഷ് ഗുപ്ത, പി.സി.സി വൈസ് പ്രസിഡന്റ് അന്വര് ഭട്ട്, കുല്ഗാം ജില്ലാ ഡെവലപ്മെന്റ് കൗണ്സില് അംഗവും മുന് ജില്ലാ പ്രസിഡന്റുമായ അനിയത്തുള്ള റാത്തര് എന്നിവരാണ് മ്മു കശ്മീരിലെ കോണ്ഗ്രസില് നേതൃമാറ്റം ആവശ്യപ്പെട്ട് കഴിഞ്ഞ ദിവസം രാജിവച്ചത്.
