ലണ്ടന് : ഇന്ത്യയ്ക്ക് ദീപാവലി സമ്മാനമായി ഗാന്ധിജിയുടെ പേരില് നാണയമിറക്കി ബ്രിട്ടണ്. ഇന്ത്യന് വംശജനായ ബ്രിട്ടീഷ് ചാന്സിലര് ഋഷി സുനാക്കാണ് റോയല് മിന്റ് പുറത്തിറക്കിയ നാണയം പ്രകാശനം ചെയ്തത്. അഞ്ച്് പൗണ്ടിന്റെ ഗാന്ധി നാണയത്തിന്റെ ഒരു വശത്ത് ഇന്ത്യന് ദേശീയ പുഷ്പമായ താമരയുടെ ചിത്രം നല്കിയിട്ടുണ്ട്. അതോടൊപ്പം എന്റെ ജീവിതമാണ് എന്റെ സന്ദേശം എന്ന വിശ്വപ്രസിദ്ധമായ ഗാന്ധിജിയുടെ വാക്യങ്ങളും ആലേഖനം ചെയ്തിട്ടുണ്ട്.
ഹീനാ ഗ്ലോവര് ഡിസൈന് ചെയ്തിട്ടുള്ള ഈ നാണയം ഗോള്ഡ്, സില്വര് മോഡലുകളിലുള്ള കളക്ടേഴ്സ് എഡിഷനുകളാണ്. ലോകത്തെയാകെ സ്വാധീനിച്ച മഹാനായ നേതാവിനുള്ള ശ്രദ്ധാഞ്ജലിയാണ് ഈ നാണയം. ഹിന്ദുമതവിശ്വാസിയായ തനിക്ക് ദീപാവലി നാളില് ഈ നാണയം പുറത്തിറക്കാനായതില് അഭിമാനമുണ്ടെന്നും ഋഷി സുനാക് അറിയിച്ചു.
![](https://janmabhumi.in/wp-content/uploads/archive/2021/11/05/uk five pound.jpg)
ഇന്ത്യന് സ്വാതന്ത്ര്യത്തിന്റെ 75ാം വാര്ഷികത്തോടനുബന്ധിച്ച് നാണയം പുറത്തിറക്കാനുള്ള പ്രഖ്യാപനം ദീപാവലി നാളില് പ്രാവര്ത്തികമാക്കുകയായിരുന്നു. ലോകമെങ്ങുമുള്ള ഇന്ത്യക്കാര്ക്കുള്ള ദീപാവലി സമ്മാനമാണ് ബ്രിട്ടണ് ഇത് പുറത്തിറക്കിയിരിക്കുന്നത്. നാണയത്തോടൊപ്പം ദീപാവലി കളക്ഷന്റെ ഭാഗമായി ലക്ഷ്മീദേവിയുടെ ചിത്രം ആലേഖനം ചെയ്ത ഗോള്ഡ് ബാറും റോയല് മിന്റ് പുറത്തിറക്കിയിട്ടുണ്ട്.
ഗാന്ധിജിയെ ആദരിച്ച് വെസ്റ്റ്മിനിസ്റ്ററിലെ പാര്ലമെന്റ് ചത്വരത്തില് നേരത്തെ ബ്രിട്ടണ് ഗാന്ധിജിയുടെ പൂര്ണ്ണകായ പ്രതിമ സ്ഥാപിച്ചിരുന്നു. ഒട്ടേറെ ഇന്ത്യക്കാര് തിങ്ങിപ്പാര്ക്കുന്ന ബ്രിട്ടണിലെ ലെസ്റ്റര് നഗരത്തിലും ഗാന്ധിജിയുടെ പ്രതിമ സ്ഥാപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: