ന്യൂദല്ഹി: റവന്യൂ അക്കൗണ്ടിലെ കമ്മി നികത്തുന്നതിന് കേരളത്തിന് കേന്ദ്രം 1657.58 കോടി രൂപകൂടി അനുവദിച്ചു. അതോടെ ഈ വര്ഷം 11,603.08 കോടി ലഭിച്ച കേരളം ഏറ്റവും കൂടുതല് വരുമാനക്കമ്മി ഗ്രാന്റ് ലഭിക്കുന്ന സംസ്ഥാനമായി. പശ്ചിമ ബംഗാളും ( 10 270 കോടി) ആന്ധ്രാപ്രദേശുമാണ് (10,066 കോടി) കേരളത്തിനു പിന്നില് കൂടുതല് തുക കിട്ടിയ സംസ്ഥാനങ്ങള്.
ഗ്രാന്റിന്റെ 7-ാമത് പ്രതിമാസ ഗഡു 9,871.00 കോടി രൂപയാണ് കേന്ദ്ര ധനകാര്യ മന്ത്രാലയത്തിന്റെ കീഴിലുള്ള ധനവിനിയോഗ വകുപ്പ് സംസ്ഥാനങ്ങള്ക്ക് അനുവദിച്ചത്.. ഈ ഗഡു അനുവദിച്ചതോടെ നടപ്പ് സാമ്പത്തിക വര്ഷത്തില് മൊത്തം 69,097.00 കോടി വരുമാനക്കമ്മി നികത്തല് ഗ്രാന്റ് ആയി സംസ്ഥാനങ്ങള്ക്ക് അനുവദിച്ചു.
15-ആം ധനകാര്യ കമ്മീഷന്റെ ശുപാര്ശപ്രകാരമാണ് സംസ്ഥാനങ്ങളുടെ റവന്യൂ അക്കൗണ്ടിലെ കമ്മി നികത്തുന്നതിന് ധനവിനിയോഗ വകുപ്പ് പോസ്റ്റ് ഡെവലൂഷന് റവന്യൂ ഡെഫിസിറ്റ് ഗ്രാന്റ് അനുവദിക്കുന്നത്. പതിനഞ്ചാം ധനകാര്യ കമ്മീഷന് 2021-22 സാമ്പത്തിക വര്ഷത്തില് കേരളമുള്പ്പെടെയുള്ള സംസ്ഥാനങ്ങള്ക്ക് ആകെ 1,18,452 കോടി രൂപ ഗ്രാന്റ് രൂപ ശുപാര്ശ ചെയ്തിട്ടുണ്ട്. ഇതില് 69,097.00 കോടി രൂപ (58.33%) ഇതുവരെ അനുവദിച്ചു കഴിഞ്ഞു.
ഗ്രാന്റ് അനുവദിച്ചതിന്റെ സംസ്ഥാനം തിരിച്ചുള്ള കണക്ക്
