ന്യൂദല്ഹി : ബംഗാള് നിയമസഭാ ഉപതെരഞ്ഞെടുപ്പില് മമത ബാനര്ജിക്കെതിരെ സ്ഥാനാര്ത്ഥിയെ നിര്ത്തില്ലെന്ന് കോണ്ഗ്രസ്. കഴിഞ്ഞ നിയമസഭാ തെരഞ്ഞടുപ്പില് നന്ദിഗ്രാമില് നിന്നും തോറ്റതിനെ തുടര്ന്ന് ഇപ്പോള് ഭവാനിപുര് മണ്ഡലത്തില് നിന്നാണ് ഇപ്പോള് മമത മത്സരിക്കാന് ഒരുങ്ങുന്നത്.
ഭവാനിപൂര് അടക്കം മൂന്ന് നിയമസഭാ മണ്ഡലങ്ങളിലേക്ക് സെപ്തംബര് 30നാണ് ഉപതെരഞ്ഞെടുപ്പ് നടക്കുന്നത്. കഴിഞ്ഞ നിയമസഭാ തെരഞ്ഞെടുപ്പില് തൃണമൂല് കോണ്ഗ്രസ് ഭൂരിപക്ഷം തികച്ചെങ്കിലും മമത ബിജെപിയുടെ സ്ഥാനാര്ത്ഥി സുവേന്ദു അധികാരിയോട് തോറ്റു. തുടര്ന്ന് മുഖ്യമന്ത്രിയായി മമത ചുമതലയേറ്റെങ്കിലും സോവന്ദേബ് ചാറ്റര്ജി ഭവാനിപുര് സീറ്റ് ഒഴിഞ്ഞുകൊടുക്കുകയായിരുന്നു.
2011ല് ആദ്യമായി മുഖ്യമന്ത്രിയായ മമത ഉപതിരഞ്ഞെടുപ്പില് ഭവാനിപുരില് നിന്ന് വിജയിച്ചാണ് നിയമസഭയിലെത്തിയത്. അന്ന് സിപിഎമ്മായിരുന്നു മുഖ്യ എതിരാളി. ഭവാനിപുരിന് പുറമെ ജംഗിപുര്, സംസര്ഗഞ്ച് മണ്ഡലങ്ങളിലേയ്ക്കുകൂടിയാണ് ഉപതെരഞ്ഞെടുപ്പ് നടക്കുന്നത്.
