നീരജ് ജാവലിന് ചുഴറ്റി ഇന്ത്യന് സംഘത്തിന് സുവര്ണ തിളക്കം സമ്മാനിക്കുമ്പോള് നീരജിന്റെ ഒരു ട്വീറ്റ് തരംഗമാകുകയാണ്. ഇന്ത്യയില്ല, പാകിസ്ഥാനില്. തന്റെ ആവശ്യങ്ങള് ഏറ്റവും മികച്ച രീതിയില് പരിഗണിച്ച് നടപ്പാക്കി തന്ന സര്ക്കാരിന് നന്ദി പറഞ്ഞുള്ള ട്വീറ്റിന്റെ കമന്റില് പാകിസ്ഥാന് പ്രധാനമന്ത്രി ഇമ്രാന് ഖാനെ മെന്ഷന് ചെയ്യുകയാണ് പാകിസ്ഥാനികള്.
താരങ്ങള്ക്ക് പ്രചോദനം നല്കുന്നതില് നിങ്ങള് ഇന്ത്യയെ കണ്ടു പഠിക്കുവെന്നാണ് തങ്ങളുടെ പ്രധാനമന്ത്രിയ്ക്ക് പാകിസ്ഥാനികള് നല്കുന്ന ഉപദേശം. ജൂണ് 16 ന് തന്റെ വിദേശ പരിശീലനം പൂര്ത്തിയാക്കിയ ശേഷം നീരജ് ട്വിറ്ററില് നടത്തിയ പരാമര്ശമാണ് തരംഗമായിരിക്കുന്നത്. വിസ തടസ്സങ്ങള് നീക്കിതന്നതിന് അദേഹം ഇന്ത്യന് എംബസിയോടും ട്വീറ്റില് നന്ദി പറയുന്നുണ്ട്.
ജാവലിന് ത്രോ ഫൈനലില് പാകിസ്ഥാനില് നിന്നുള്ള അര്ഷാദ് നദീം ആയിരുന്നു നീരജിന്റെ ഒരു എതിരാളി. എന്നാല് അര്ഷാദിന്റെ പ്രകടനം ദയനീയമായിരുന്നു. ചെക്ക് റിപ്പബ്ലിക്ക് താരങ്ങള് വെള്ളിയും വെങ്കലവും സ്വന്തമാക്കി.
കായിക താരങ്ങള്ക്ക് സര്ക്കാര് നല്കുന്ന പിന്തുണയെ പ്രശംസിച്ച് മലയാളി കായിക താരം അഞ്ജു ബോബി ജോര്ജും ഹോക്കി താരം പി.ആര്. ശ്രീജേഷും കഴിഞ്ഞ ദിവസം പരസ്യമായി പ്രതികരിച്ചിരുന്നു. ‘ 2012ല് തോറ്റപ്പോള് എല്ലാവരും തങ്ങളെ കളിയാക്കുകയായിരുന്നുവെന്ന് അന്ന് ടീം അംഗമായിരുന്ന ശ്രീജേഷ് ചൂണ്ടിക്കാട്ടി.
എന്നാല് ഇന്ന് അതല്ല സ്ഥിതി. വലിയ പ്രചോദനവും പിന്തുണയുമാണ് കിട്ടുന്നത്. ടോക്കിയോയില് സെമിയില് തോറ്റപ്പോള് പ്രധാനമന്ത്രി നേരിട്ട് വിളിച്ചു. എല്ലാവരോടും ആശ്വാസ വാക്കുകള് പറഞ്ഞു. മികച്ച രീതിയില് കളിച്ചതു ചൂണ്ടിക്കാട്ടി. പേടിക്കേണ്ട, കൂടെയുണ്ടെന്നു പറഞ്ഞ് ആശ്വസിപ്പിച്ചു. അതാണ് പ്രചോദനം. കഠിന പ്രയത്നം തിരിച്ചറിയുന്നു, നേട്ടങ്ങള്ക്ക് പ്രാധാന്യം നല്കുന്നു, കഷ്ടപ്പാടിനെ അംഗീകരിക്കുന്നു. കായിക താരത്തെ സംബന്ധിച്ച് വലിയ കാര്യമാണിത്.
