ചേര്ത്തല: വയലാറില് എസ്ഡിപിഐക്കാരുടെ വെട്ടേറ്റ് മരിച്ച ആര്എസ്എസ് ഗഡനായക് വയലാര് തട്ടാപറമ്പ് നന്ദുകൃഷ്ണ കേസില് ഒരാള് കൂടി അറസ്റ്റില്. കുത്തിയതോട് പഞ്ചായത്ത് ഒന്പതാം വാര്ഡ് പൊള്ളതറയില് പി.എസ്. ഷാനവാസ് (42) ആണ് അറസ്റ്റിലായത്. ഇയാള് 22-ാം പ്രതിയാണെന്നു പോലീസ് പറഞ്ഞു. കോടതിയില് ഹാജരാക്കി റിമാന്ഡ് ചെയ്തു. കേസില് ആകെ 31 പ്രതികള് അറസ്റ്റിലായി. ഇനി ഏഴ് പ്രതികളെ പിടികൂടാനുണ്ട്.
ചേര്ത്തല ഡിവൈഎസ്പി വിനോദ് പിള്ള, സിഐ പി. ശ്രീകുമാര്, എഎസ്ഐ മനോജ് കൃഷ്ണന്, സിപിഒമാരായ ജിതിന്, രജീഷ്, പ്രവീഷ്, ശരത് എന്നിവരടങ്ങുന്ന സംഘമാണ് പ്രതികളെ അറസ്റ്റു ചെയ്തത്. കഴിഞ്ഞ ഫെബ്രുവരി 24 ന് രാത്രി വയലാര് നാഗംകുളങ്ങരയില് കേസിന് ആസ്പദമായ സംഭവം. നന്ദുകൃഷ്ണയുടെ സുഹൃത്ത് കെ.എസ്. നന്ദുവിന് പരുക്കേറ്റിരുന്നു.
