കണ്ണൂര്: കണ്ണൂരില് വാക്സിന് കുത്തിവയ്പ്പില് ഗുരുതര പിഴവ്. കൊവാക്സിന് ഒന്നാം ഡോസെടുത്ത ആള്ക്ക് രണ്ടാം ഡോസ് കൊവിഷീല്ഡ് കുത്തിവച്ചു. മലബാര് പഞ്ചായത്തിലെ കുടുംബാരോഗ്യ കേന്ദ്രത്തിലാണ് വാക്സിന് മാറി നല്കിയത്. ഇത് സ്വീകരിച്ച 50 വയസുകാരന് ജില്ലാ മെഡിക്കല് ഓഫീസര്ക്ക് പരാതി നല്കി.
സംഭവം മൂന്നംഗ മെഡിക്കല് സംഘം അന്വേഷിക്കുമെന്ന് ജില്ലാ മെഡിക്കല് ഓഫീസര് മാദ്ധ്യമങ്ങളെ അറിയിച്ചു. ജൂലായ് മൂന്നിനാണ് സംഭവം നടക്കുന്നത്. രണ്ട് വ്യത്യസ്ത ഡോസ് വാക്സിന് സ്വീകരിച്ച വ്യക്തിക്ക് നിലവില് ആരോഗ്യപ്രശ്നങ്ങളില്ല. ഇയാള് മൂന്നാമതൊരു ഡോസ് സ്വീകരിക്കണോ എന്നത് ശരീരത്തിലെ ആന്റിബോഡി പരിശോധിച്ചതിന് ശേഷമാകും തീരുമാനിക്കുക.
