കോട്ടയം: പ്രശസ്ത തിരക്കഥാകൃത്തും സംവിധായകനുമായ ഡെന്നീസ് ജോസഫ് (63) അന്തരിച്ചു. ഹൃദയാഘാതത്തെ തുടര്ന്ന് കോട്ടയത്തെ സ്വകാര്യ ആശുപത്രിയിലായിരുന്നു അന്ത്യം. 1985ല് ജേസി സംവിധാനം ചെയ്ത ഈറന് സന്ധ്യ എന്ന ചിത്രത്തിലൂടെയാണ് ചലച്ചിത്രരംഗത്തേക്കെത്തിയത്.
രാജാവിന്റെ മകന്, ന്യൂദല്ഹി, കോട്ടയം കുഞ്ഞച്ചന്, നിറക്കൂട്ട്, നമ്പര് 20 മദ്രാസ് മെയില്, ശ്യാമ, ഭൂമിയിലെ രാജാക്കന്മാര്, വഴിയോരക്കാഴ്ചകള്, സംഘം, നായര്സാബ്, ഇന്ദ്രജാലം, ആകാശദൂത് തുടങ്ങി നിരവധി ഹിറ്റ് ചിത്രങ്ങള്ക്ക് തിരക്കഥയൊരുക്കി. അഗ്രജന്, തുടര്ക്കഥ, അപ്പു, അഥര്വ്വം, മനുഅങ്കിള്, സംഘം എന്നീ ചിത്രങ്ങള് സംവിധാനം ചെയ്തിട്ടുണ്ട്.
ഏറ്റുമാനൂരില് 1957 ഒക്ടോബര് 20ന് എം.എന്. ജോസഫിന്റെയും ഏലിയാമ്മ ജോസഫിന്റെയും മകനായി ജനിച്ചു. ഏറ്റുമാനൂര് സര്ക്കാര് ഹൈസ്കൂളില് നിന്ന് സ്കൂള് വിദ്യാഭ്യാസവും കുറവിലങ്ങാട് ദേവമാതാ കോളേജില് നിന്നും ബിരുദവും നേടി. സംവിധായകന് ജോഷിക്കുവേണ്ടിയായിരുന്നു ഏറ്റവും കൂടുതല് ചിത്രങ്ങള്ക്ക് തിരക്കഥയൊരുക്കിയത്. മനുഅങ്കിള് ദേശീയ പുരസ്കാരം നേടി. ഭാര്യ: ലീന. മക്കള്: എലിസബത്ത്, റോസി, ഔസേപ്പച്ചന്.
