ന്യൂദല്‍ഹി: മമത രണ്ടാമതൊരു സീറ്റില്‍ കൂടി മത്സരിച്ചോളൂ എന്ന് നരേന്ദ്രമോദിയുടെ പരിഹാസം.
ഇപ്പോള്‍ മത്സരിക്കുന്ന നന്ദിഗ്രാമില്‍ തോല്‍ക്കുമെന്നുറപ്പുള്ളതിനാല്‍ ഇനി മറ്റൊരു സീറ്റില്‍ കൂടി മത്സരിക്കുന്നതാണ് മമതയ്‌ക്ക് നല്ലതെന്ന സൂചന നല്‍കിക്കൊണ്ടായിരുന്നു മോദിയുടെ ഈ പരാമര്‍ശം. ഉലുബേറിയയില്‍ ഒരു തെരഞ്ഞെടുപ്പ് റാലിയെ അഭിസംബോധന ചെയ്യവേയായിരുന്നു മോദിയുടെ ഈ പരാമര്‍ശം. മമത പ്രകടിപ്പിക്കുന്ന അസ്വസ്ഥതകള്‍ മുഴുവന്‍ നന്ദിഗ്രാമില്‍ തോല്‍വി മണക്കുന്നതിന്‍റേതാണെന്നും പ്രധാനമന്ത്രി പറഞ്ഞു.
എന്നാല്‍ മമത വേറെ സീറ്റില്‍ മത്സരിക്കില്ലെന്ന് തൃണമൂല്‍ വ്യക്തമാക്കി. ‘രണ്ടാമത് ഒരു സീറ്റില്‍ നിന്നും മത്സരിക്കുന്ന പ്രശ്‌നമുദിക്കുന്നതേയില്ല,’ തൃണമൂല്‍ കേന്ദ്രങ്ങള്‍ പറഞ്ഞു.
പ്രതികരിക്കാൻ ഇവിടെ എഴുതുക: