കോട്ടയം: എന്ഡിഎ തെരഞ്ഞെടുപ്പ് പ്രചാരണത്തിന്റെ ഭാഗമായി ബിജെപി ദേശീയ അദ്ധ്യക്ഷന് ജെ.പി. നദ്ദ, കേന്ദ്രമന്ത്രിമാരായ മുഖ്ദാര് അബ്ബാസ് നഖ്വി, സദാനന്ദ ഗൗഡ എന്നിവര് ഇന്ന് കോട്ടയത്തെത്തും.
ചങ്ങനാശ്ശേരി മണ്ഡലം എന്ഡിഎ സ്ഥാനാര്ത്ഥി അഡ്വ.ജി. രാമന് നായരുടെ തെരഞ്ഞെടുപ്പ് പ്രചാരണാര്ത്ഥം വൈകിട്ട് നാലിന് വേഴയ്ക്കാട്ട്ചിറ മൂന്നാം നമ്പര് ബസ് സ്റ്റാന്ഡില് നടക്കുന്ന പൊതുസമ്മേളനം ജെ.പി. നദ്ദ ഉദ്ഘാടനം ചെയ്യും.
ഏറ്റുമാനൂര് മണ്ഡലം എന്ഡിഎ സ്ഥാനാര്ത്ഥി ടി.എന്. ഹരികുമാറിന്റെ തെരഞ്ഞെടുപ്പ് പ്രചരണാര്ത്ഥം ഇന്ന് ഉച്ചയ്ക്ക് രണ്ടിന് ഏറ്റുമാനൂരില് നടക്കുന്ന റോഡ് ഷോയിലും എന്ഡിഎ വൈക്കം മണ്ഡലം സ്ഥാനാര്ത്ഥി അജിതാ സാബുവിന്റെ തെരഞ്ഞെടുപ്പ് പ്രചരണാര്ത്ഥം വൈകിട്ട് നാലിന് വൈക്കത്ത് നടക്കുന്ന പൊതുയോഗത്തിലും കേന്ദ്രമന്ത്രി മുഖ്ദാര് അബ്ബാസ് നഖ്വി പങ്കെടുക്കും.
കാഞ്ഞിരപ്പള്ളി മണ്ഡലം എന്ഡിഎ സ്ഥാനാര്ത്ഥി അല്ഫോണ്സ് കണ്ണന്താനത്തിന്റെ തെരഞ്ഞെടുപ്പ് പ്രചാരണത്തിന്റെ ഭാഗമായി പള്ളിക്കത്തോട്ടില് വൈകിട്ട് നാലിന് നടക്കുന്ന പൊതുസമ്മേളനം കേന്ദ്രമന്ത്രി സദാനന്ദഗൗഡ ഉദ്ഘാടനം ചെയ്യും. ആറിന് മണിമലയില് നിന്നും കറുകച്ചാലിലേക്ക് നടക്കുന്ന റോഡ് ഷോയില് അല്ഫോണ്സ് കണ്ണന്താന ത്തിനൊപ്പം സദാനന്ദഗൗഡ പങ്കെടുക്കും.
