ന്യൂദല്ഹി : പശ്ചിമ ദല്ഹി ബിജെപി മുന് വൈസ് പ്രസിഡന്റ് ജി.എസ്. ബാവ അന്തരിച്ചു. നഗരത്തിലെ വസതിക്കു സമീപമുള്ള പാര്ക്കില് തൂങ്ങിമരിച്ച നിലയില് കണ്ടെത്തുകയായിരുന്നു. കുടുംബത്തിലെ ചില അസ്വാരസ്യങ്ങളാണ് ആത്മഹത്യയിലേക്ക് നയിച്ചതെന്നാണ് സൂചന.
ഫത്തേ നഗറിലാണു ബാവ താമസിച്ചിരുന്നത്. തിങ്കളാഴ്ച വൈകിട്ടോടെ സുഭാഷ് നഗറിലെ പാര്ക്കിനുള്ളിലെ തടാകത്തിന്റെ ഗ്രില്ലില് ഇയാളെ തൂങ്ങിമരിച്ച നിലയില് കണ്ടെത്തുകയായിരുന്നു. തുടര്ന്ന് നാട്ടുകാര് വിളിച്ചു പറഞ്ഞതിനെ തുടര്ന്ന് പോലീസ് സ്ഥലത്തെത്തിയാണ് ബാവയെ തിരിച്ചറിഞ്ഞത്. മൃതദേഹം പോസ്റ്റ് മോര്ട്ടത്തിന് അയച്ചിരിക്കുകയാണ്. ആത്മഹത്യാ കുറിപ്പുകളൊന്നും കണ്ടെത്തിയിട്ടില്ല.
