കൊല്ക്കത്ത : മുഖ്യമന്ത്രി മമത ബാനര്ജി ആറ് കേസുകള് മറച്ചുവെച്ചാണ് നാമനിര്ദ്ദേശപത്രികയ്ക്കൊപ്പം സത്യവാങ്മൂലം നല്കിയത്. അതിനാല് നാമ നിര്ദ്ദേശ പത്രിക തള്ളണമെന്നാവശ്യപ്പെട്ട് നന്ദിഗ്രാമിലെ ബിജെപി സ്ഥാനാര്ത്ഥി സുവേന്ദു അധികാരി.
2018 ല് അസമില് ഫയല് ചെയ്ത അഞ്ച് കേസുകളും സിബിഐ തീര്പ്പുകല്പ്പിക്കാത്ത ഒരു കേസും മറച്ചുവെച്ചുകൊണ്ടാണ് മമത നന്ദിഗ്രാമില് തൃണമൂല് സ്ഥാനാര്ത്ഥിയായി നാമ നിര്ദ്ദേശ പത്രിക നല്കിയിരിക്കുന്നത്. ഇത് തെറ്റാണ്. കാപട്യം മാത്രമാണ് മമതയുടെ അടിസ്ഥാനമെന്നും സുവേന്ദു ആരോപിച്ചു.
ഇതുമായി ബന്ധപ്പെട്ട് ബിജെപിയും തെരഞ്ഞെടുപ്പ് കമ്മിഷനെ സമീപിച്ചിട്ടുണ്ട്. ജനങ്ങളുടെ അനുകമ്പ നേടി അത് വോട്ടാക്കുന്നതിനുള്ള ശ്രമത്തിലാണ് ബംഗാളില് മമത. ഇതിന്റെ ഭാഗമായി കാറിന്റെ ഡോറിനിടയില് പെട്ട് പരുക്ക് പറ്റിയ കാലില് പ്ലാസ്റ്ററിട്ടാണ് മമത പ്രചാരണം നടത്തുന്നത്.
