മാഞ്ചസ്റ്റർ : ഗ്രേറ്റർ മാഞ്ചസ്റ്റർ മലയാളി ഹിന്ദു കമ്മ്യൂണിറ്റി 20/02/2021 ൽ വെർച്ച്യുൽ മീഡിയ യുടെ സഹായത്തോടെ നടത്തിയ വാർഷിക പൊതുയോഗത്തിൽ സമാജത്തിന് പുതിയ ഭാരവാഹികളെ തെരെത്തെടുത്തു . പ്രസിഡന്റ് ആയി ശ്രീ ഹരികുമാർ ,വൈസ് പ്രസിഡന്റ് സന്തോഷ് നായർ , സെക്രട്ടറി ചന്ദ്രശേഖരൻ നായർ, ജോ. സെക്രട്ടറി പ്രദീപ് നായർ , ട്രഷറർ ഉണ്ണികൃഷ്ണൻ എന്നിവരെയും എക്സിക്യൂട്ടിവ് അംഗങ്ങളായി ശ്രി ശ്യാം തോപ്പിൽ , ഗോപകുമാർ , സജി , ബിജു , വിനോദ് ചന്ദ്രൻ എന്നിവരെയും തെരെഞ്ഞെടുത്തു.
പ്രസിഡന്റ് ശ്രീമതി സിനി ബിജു വിന്റെ അദ്ധ്യക്ഷതയിൽ ചേർന്ന യോഗത്തിൽ സെക്രട്ടറി ചന്ദ്രശേഖരൻ നായർ വാർക്ഷിക പ്രവർത്തന റിപ്പോർട്ടും ട്രഷറർ ഉണ്ണികൃഷ്ണൻ വാർഷിക കണക്കും അവതരിപ്പിച്ചു. പുതിയ കമ്മറ്റി തുടർന്നും എല്ലാവരുടെയും നിസ്സീമായ സഹകരണം അഭ്യർത്ഥിച്ചു. ഉണ്ണികൃഷ്ണൻ നന്ദി രേഖപ്പെടുത്തി.
2009 മുതൽ മാഞ്ചസ്റ്ററിൽ പ്രവർത്തിച്ചു വരുന്ന ഹിന്ദു കമ്മ്യൂണിറ്റിയാണ് ഗ്രേറ്റർ മാഞ്ചസ്റ്റർ മലയാളി ഹിന്ദു കമ്മ്യൂണിറ്റി. കോവിഡ് മഹാമാരിയുടെ സമയത്തും പരിമിതിക്കുള്ളിൽ നിന്നുകൊണ്ടു സാങ്കേതികവിദ്യയുടെ സഹായത്തോടെ എല്ലാ പരിപാടികളും ഭംഗിയായി നടത്താൻ സാധിച്ചുവെന്ന് ഭാരവാഹികൾ പറഞ്ഞു.
