മെല്ബണ്: യുഎസ്എ താരം ജെന്നിഫര് ബ്രാഡിയെ നേരിട്ടുള്ള സെറ്റുകള്ക്ക് തോല്പിച്ച് ഓസ്ട്രേലിയന് ഓപ്പണ് വനിതാ സിംഗിള്സ് കിരീടം ജപ്പാന് താരം നവോമി ഒസാകയ്ക്ക്. ഒസാകയുടെ നാലാം ഗ്രാന്ഡ് സ്ലാം കിരീടമാണിത്. ഓസ്ട്രേലിയന് ഓപ്പണില് രണ്ടാമത്തേതും. സ്കോര്: 6-4,6-3.
സെമിയില് യുഎസിന്റെ തന്നെ സൂപ്പര്താരം സെറീന വില്യംസിനെ തോല്പ്പിച്ചാണ് ഒസാക ഫൈനലില് കടന്നത്. കഴിഞ്ഞ യുഎസ് ഓപ്പണ് സെമി ഫൈനലിന്റെ ആവര്ത്തനമായിരുന്നു ഓസ്ട്രേലിയന് ഓപ്പണ് ഫൈനലിലും. എന്നാല് പകരം വീട്ടാന് ജെന്നിഫെഫിനായില്ല.
2019ലും ഒസാക ഓസ്ട്രേലിയന് ഓപ്പണ് നേടിയിരുന്നു. 2018, 2020 വര്ഷങ്ങളിലായിരുന്നു ഒസാകയുടെ യുഎസ് ഓപ്പണ് കിരീട നേട്ടങ്ങള്. പ്രധാന കലാശപ്പോരാട്ടങ്ങളില് ഇതുവരെ തോല്വി വഴങ്ങിയിട്ടില്ലെന്ന റെക്കോര്ഡ് നിലനിര്ത്തിയാണ് ഒസാകയുടെ കിരീടവിജയമെന്നതും ശ്രദ്ധേയം. 2020 ഫെബ്രുവരി 20നുശേഷം തോല്വിയറിഞ്ഞിട്ടില്ലാത്ത ഒസാക, തുടര്ച്ചയായ 20-ാം ജയത്തോടെയാണ് കിരീടം ചൂടിയത്.
