തിരുവനന്തപുരം : എന്റെ വിദ്യാഭ്യാസം ആര്ക്കും ഉപകാരമില്ലാതെ പാഴാക്കരുതെന്ന തിരിച്ചറിവിലാണ് താന് ബിജെപിയിലേക്ക് എത്തിയതെന്ന് മുന് ഡിജിപി ജേക്കബ് തോമസ്. ഫേസ്ബുക്ക് പോസ്റ്റിലൂടെയാണ് ഇക്കാര്യം അറിയിച്ചിരിക്കുന്നത്.
സിവില് സര്വീസ് തെരഞ്ഞെടുത്തപ്പോള് രാജ്യത്തേയും ജനങ്ങളേയും സേവിക്കാമെന്ന് കരുതി. എന്നാല് രാഷ്ട്രബോധമില്ലാത്തവരും സ്വാര്ത്ഥരുമായ ചിലരുടെ താത്പ്പര്യങ്ങളെ എതിര്ത്തപ്പോള് അവര് തന്നെ മാനസികമായി പീഡിപ്പിക്കുകയും അപമാനിക്കുകയും ചെയ്തെന്നും ജേക്കബ് തോമസ് വിമര്ശിച്ചു.
ചില കള്ള രാഷ്ട്രീയക്കാരുടെ അഴിമതിക്ക് കുട്ടുനില്ക്കാനാവാതെ താന് ഒറ്റപ്പെട്ടു. ജന്മനാടിന്റെ ആത്മാവ് കണ്ടെത്തിയ സ്വാമി വിവേകാനന്ദയും, ശ്രീനാരായണ ഗുരുവുമൊക്കെയാണ് ശരിയെന്നു ബോധ്യമായി. തന്റെ വിദ്യാഭ്യാസം ആര്ക്കും ഉപകാരമില്ലാതെ പാഴാകരുതെന്ന് തിരിച്ചറിഞ്ഞപ്പോഴാണ് പ്രവര്ത്തിക്കാനുള്ള പ്ലാറ്റ്ഫോം ആയി ബിജെപിയില് എത്തിയതെന്നും ജേക്കബ് തോമസ് കൂട്ടിച്ചേര്ത്തു.
