കരുനാഗപ്പള്ളി: അയോധ്യ ശ്രീരാമക്ഷേത്രത്തിന് സംഭാവന നല്കി നവവധൂവരന്മാര്. ഹിന്ദു ഐക്യവേദി സംസ്ഥാന സംഘടനാ സെക്രട്ടറിയുമായ സി. ബാബുവിനാണ് ശ്രീരാമ ക്ഷേത്രനിര്മാണത്തിനുള്ള തങ്ങളുടെ സംഭാവന വധൂവരന്മാര് കൈമാറിയത്.
തഴവ എസ്എന് മന്ദിരത്തില് ദിലീപനും പുലിയൂര് വഞ്ചികിഴക്ക് മീനത്തേരില് കിഴക്കതില് ഐശ്വര്യയുമാണ് ഈ വധൂവരന്മാര്. ഇവരുടെ വിവാഹം പുലിമുഖം ക്ഷേത്രത്തിലായിരുന്നു. രാമജന്മഭൂമിയില് ഉയരുന്ന ക്ഷേത്രത്തിന് തങ്ങളുടെ കൂടി പങ്കാളിത്തം ഉറപ്പാക്കാനാണ് വിവാഹമണ്ഡപത്തില് വച്ച് തന്നെ സംഭാവന കൈമാറാന് പ്രേരണയായതെന്ന് ഇവര് പറഞ്ഞു.
ജീവിതത്തിലെ ഏറ്റവും മംഗളമുഹൂര്ത്തത്തില് തന്നെ രാമക്ഷേത്ര നിര്മ്മാണമെന്ന പുണ്യകര്മ്മത്തിന് സംഭാവന ചെയ്യാനായത് ഇരുവര്ക്കും ആഹ്ലാദം പകര്ന്നു.
