ഗാലെ: ക്യാപ്റ്റന് ജോ റൂട്ടിന്റെ ഇരട്ട സെഞ്ചുറിയില് ഇംഗ്ലണ്ടിന് ശ്രീലങ്കക്കെതിരായ ഒന്നാം ടെസ്റ്റിന്റെ ഒന്നാം ഇന്നിങ്സില് 286 റണ്സ് ലീഡ്. ശ്രീലങ്കയുടെ ഒന്നാം ഇന്നിങ്സ് സ്കോറായ 135 റണ്സിന് മറുപടിയായി ഇംഗ്ലണ്ട് 421 റണ്സ് എടുത്തു. റൂട്ട് 228 റണ്സ് നേടി. ടെസ്റ്റ് ക്രിക്കറ്റില് റൂട്ടിന്റെ ഉയര്ന്ന വ്യക്തിഗത സ്കോറാണിത്. 321 പന്ത് നേരിട്ട റൂട്ട് 18 ഫോറും ഒരു സിക്സറും അടിച്ചു.
രണ്ടാം ഇന്നിങ്സ് തുടങ്ങിയ ശ്രീലങ്ക മൂന്നാം ദിനം കളി നിര്ത്തുമ്പോള് രണ്ട് വിക്കറ്റിന് 156 റണ്സ് നേടി. ആദ്യ ഇന്നിങ്സിലെ കുടിശിക തീര്ക്കാന് അവര്ക്ക് ഇനി 130 റണ്സ് കൂടി വേണം. തിരിമാനെയും (76) ലസിതും (0) പുറത്താകാതെ നില്ക്കുന്നു.
കുശാല് പെരേര (62), കുശാല് മെന്ഡിസ് (15) എന്നിവരാണ് പുറത്തായത്.
സ്കോര്: ശ്രീലങ്ക: 135, രണ്ട് വിക്കറ്റിന് 156. ഇംഗ്ലണ്ട് 421.
