ഇടവെട്ടി: അഞ്ച് വര്ഷത്തിലധികമായി തകര്ന്ന് കിടന്നിരുന്ന റോഡ് നന്നാക്കി വാക്ക് പാലിച്ച് ബിജെപി പഞ്ചായത്തംഗം ബിന്ദു ശ്രീകാന്ത്. ഇടവെട്ടി പഞ്ചായത്തിലെ മൂന്നാം വാര്ഡില്പ്പെട്ട മരവെട്ടിച്ചുവട്ടിലാണ് റോഡിന്റെ 20 മീറ്ററോളം വരുന്ന ഭാഗം കോണ്ക്രീറ്റ് ചെയ്തത്. ഇടവെട്ടികനാല്- കൂവേക്കുന്ന് റോഡിന്റെ ഭാഗമാണിവിടം. ബിജെപി പ്രവര്ത്തകരുടെയും നാട്ടുകാരുടെയും സഹായത്തില് കഴിഞ്ഞ ദിവസം രാത്രിയിലായിരുന്നു നിര്മ്മാണം.
കല്ല് പാകിയിരുന്ന ഇവിടെ കോണ്ക്രീറ്റ് ഇളകി മാറി വാഹനങ്ങള് കടന്ന് പോകാന് പറ്റാത്ത സ്ഥിതിയായിരുന്നു. തെരഞ്ഞെടുപ്പിന്റെ സമയത്ത് ജയിച്ചാലും ഇല്ലെങ്കിലും റോഡ് നന്നാക്കുമെന്ന് മെമ്പര് വാക്ക് നല്കിയിരുന്നു. ഇതാണ് ജയിച്ചതിന് പിന്നാലെ തന്നെ നിറവേറ്റിയത്.
ബിജെപി പഞ്ചായത്ത് വൈസ് പ്രസിഡന്റുമാരായ ബാബു കോണ്ടാട്ട്, ജിത്തുമോന്, സെക്രട്ടറി നിഷാന്ത്കുമാര് എന്നിവര് പണികള്ക്ക് നേതൃത്വം നല്കി. നിര്മാണത്തിന് ആവശ്യമായ തുക പൂര്ണ്ണമായും പാര്ട്ടിയാണ് നല്കിയത്. റോഡ് നന്നായതോടെ പ്രദേശവാസികള് മെമ്പര്ക്ക് നന്ദിയറിയിച്ചു.
