പുനലൂര്: പുനലൂര് നഗരസഭയില് ചെയര്പേഴ്സണെയും വൈസ് ചെയര്മാനെയും തെരഞ്ഞെടുത്തു. സിപിഎമ്മിലെ നിമ്മി എബ്രഹാമാണ് ചെയര്പേഴ്സണായി തെരഞ്ഞെടുക്കപ്പെട്ടത്. 35 അംഗ നഗരസഭാ കൗണ്സിലില് നിമ്മി എബ്രഹാമിന് 21 വോട്ടുകള് ലഭിച്ചു. സിപിഐയിലെ വി.പി. ഉണ്ണികൃഷ്ണന്റെ പേര് വൈസ് ചെയര്മാന്റെ സ്ഥാനത്തേക്ക് സിപിഎമ്മിലെ ഡി. ദിനേശന് പിന്താങ്ങി.
യുഡിഎഫ് സ്ഥാനാര്ഥിയായി കോണ്ഗ്രസിലെ കെ. കനകമ്മയാണ് മത്സരിച്ചത്. 14 വോട്ടു ലഭിച്ചു. കോണ്ഗ്രസിലെ ജി. ജയപ്രകാശ് കനകമ്മയുടെ പേര് നിര്ദ്ദേശിക്കുകയും കോണ്ഗ്രസംഗമായ ഷെമി അസീസ് പിന്താങ്ങുകയും ചെയ്തു.
വൈസ് ചെയര്മാനായി തെരഞ്ഞെടുക്കപ്പെട്ട വി.പി. ഉണ്ണികൃഷ്ണന് 21 വോട്ടുകളും പ്രതിപക്ഷത്തുനിന്ന് മത്സരിച്ച കോണ്ഗ്രസിലെ ജി. ജയപ്രകാശിന് 14 വോട്ടുകളും ലഭിച്ചു. പ്രതിപക്ഷത്തുനിന്ന് ജി. ജയപ്രകാശിന്റ പേര് കോണ്ഗ്രസിലെ എന്. സുന്ദരേശന് നിര്ദ്ദേശിച്ചപ്പോള് ആര്എസ്പിയിലെ നിര്മലാസത്യന് പിന്താങ്ങി. ടിംബര് സെയില്സ് ഡിഎഫ്ഒ അനില് ആന്റണിയായിരുന്നു വരണാധികാരി.
