കൊച്ചി: ക്രിസ്മസ് കിറ്റിലെ സാധനങ്ങളുടെ ഗുണനിലവാരത്തിനെതിരെ പരസ്യ പ്രസ്താവന നടത്തിയ സാഖാവിനെതിരെ സിപിഎമ്മുകാര് തന്നെ രംഗത്ത്. സിപിഎം പ്രവര്ത്തകനും ദേശാഭിമാനി കൊച്ചി ലേഖകനുമായ വാസുദേവന് അന്തിക്കാടിന്റെ ഫേസ്ബുക്ക് പോസ്റ്റിനെതിരെയാണ് രൂക്ഷ വിമര്ശനം ഉയര്ന്നിരിക്കുന്നത്.
ക്രിസ്മസ് കിറ്റില് ലഭിച്ച കടല പുഴു കുത്തിയതും, അതില് കല്ലും ചെളിക്കട്ടയുമാണെന്ന് ചൂണ്ടിക്കാട്ടി ഫോട്ടോ സഹിതം ഫേസ്ബുക്കില് പങ്കുവെച്ചതിനെതിരെയാണ് ഇപ്പോള് വിമര്ശനം ഉയര്ന്നിരിക്കുന്നത്. ‘ക്രിസ്മസ് കിറ്റിലെ കടല, കടലയും, കല്ലും കരടും ചളിക്കട്ടയും, ഒച്ച് കുത്തിയും
ചേര്ത്ത് 500 ഗ്രാം എന്നാണ് കണക്ക്. ദുരിതം ആശ്വാസമല്ലേ എന്ന് ചങ്ങായീസ്’ എന്നായിരുന്നു വാസുദേവന് അന്തിക്കാടിന്റെ ഫേസ് ബുക്ക് പോസ്റ്റ്. എന്നാല് കിറ്റ് വാങ്ങിവെച്ച് കുറ്റം പറയുകയാണെന്നും കുലംകുത്തികളാണെന്നും ആരോപിച്ചാണ് വാസുദേവന് അന്തിക്കാടിനെതിരെ മറ്റ് സഖാക്കള് പ്രതികരിച്ചിരിക്കുന്നത്.
തദ്ദേശ തെരഞ്ഞെടുപ്പ് നടക്കുന്ന സാഹചര്യത്തില് ഇലക്ഷന് പ്രചാരണം ഗംഭീരമായി. രണ്ടോ മൂന്നോ കല്ലുകളും ഉച്ചുകുത്തിയതും ഏത് കടലപ്പൊതിയിലും ഉണ്ടാകും കമ്യൂണിസ്റ്റ് പാര്ട്ടികളില് പോലും ചാരന്മാരും അന്യവര്ഗ്ഗ നിലപാടുകാരും കടന്നു കൂടുന്നുണ്ട്. സര്ക്കാരിന്റെ സൗജന്യമാണ്. ദാനം കിട്ടുന്നത് കൈനീട്ടി വാങ്ങുക.
എല്ലാം താങ്കള് കടയില്നിന്നും കൊണ്ടുവരുന്നപോലെ വേവിക്കുയാണോ ചെയ്യുന്നത്. കല്ലുണ്ടെങ്കില് പെറുക്കികളയുക. കഴുകുക പാകം ചെയ്യുക. താങ്കള്ക്കു ഇത് ആവശ്യം ഇല്ല. ബുദ്ധിമുട്ടും കാണില്ല. അതാവും ഇമ്മാതിരി കുത്തിത്തിരിപ്പ്.
അതേസമയം ഇങ്ങനെ തുറന്നെഴുതിയാല് വീടിനു മുന്നില് ഇന്നോവ വരുമെന്നും പരിഹസിക്കുന്നവരുണ്ട്. കടല മണ്ണില് ഉണ്ടാവുന്നതാണ്. അപ്പോള് കല്ല് അല്ലാതെ എന്താണ് ഉണ്ടാകേണ്ടത്. എന്നിങ്ങനെ യാണ് മറുപടികള്.
