കണ്ണൂര്: തദ്ദേശ തെരഞ്ഞെടുപ്പിനു പിന്നാലെ സംസ്ഥാനത്തെ കോവിഡ് വ്യാപനത്തില് വന് കുതിച്ച് ചാട്ടം ഉണ്ടാകുമെന്ന് ആരോഗ്യമന്ത്രി കെ.കെ. ശൈലജ. എല്ലാവരും സെല്ഫ് ലോക്ക് ഡൗണ് പാലിക്കാന് തയ്യാറാകണം. അത്യാവശ്യത്തിന് അല്ലാതെ പുറത്തിറങ്ങരുത്. പ്രായം ചെന്നവരും കുട്ടികളും നിര്ബന്ധമായും വീടുകളില് തന്നെ തുടരണമെന്നും ആരോഗ്യമന്ത്രി ഓര്മ്മിപ്പിച്ചു. രോഗം കൂടുക എന്നാല് മരണ നിരക്കും കൂടും എന്നാണ്. കൊവിഡ് വ്യാപിക്കാന് സാധ്യതയുള്ള സാഹചര്യം മുന് നിര്ത്തി ആശുപത്രികള്ക്കും ആരോഗ്യ പ്രവര്ത്തകര്ക്കും പൊലീസിനും എല്ലാം നിര്ദ്ദേശം നല്കിയിട്ടുണ്ട്.
ലോക് ഡൗണ് ഒഴിവാക്കിയപ്പോള് രോഗ നിരക്കില് വലിയ വര്ധനവ് ഉണ്ടായിരുന്നു. കോവിഡ് വല്ലാതെ വ്യാപിച്ചാല് സാമ്പത്തിക ശേഷിയുള്ളവര് സ്വകാര്യ ആശുപത്രികളില് ചികിത്സിക്കേണ്ടിവരും. ജനകീയ പോരാട്ടത്തിലൂടെയായിരുന്നു കേരളത്തില് കോവിഡിനെ പിടിച്ച് നിര്ത്തിയത്. ആരോഗ്യ പ്രവര്ത്തകരുടെ പ്രവര്ത്തനങ്ങള് അകമഴിഞ്ഞ അഭിനന്ദനം അര്ഹിക്കുന്നുണ്ടെന്നും മന്ത്രി.
