ശ്രീനഗര്‍: ദക്ഷിണ കശ്മീരിലെ പുല്‍വാമ ജില്ലയില്‍ സൈന്യവുമായുണ്ടായ ഏറ്റുമുട്ടലില്‍ രണ്ട് ഭീകരരെ സൈന്യം വധിച്ചു. ജമ്മു കശ്മീര്‍ പൊലീസാണ് ഇക്കാര്യം അറിയിച്ചത്. ബുധനാഴ്ച പുലര്‍ച്ചെ സംഭവം. രണ്ട് തീവ്രവാദികളുടെ വധിച്ച വിവരം സ്ഥിരീകരിച്ച പൊലീസ് ഏറ്റുമുട്ടല്‍ ഇപ്പോഴും തുടരുകയാണെന്നും അറിയിച്ചു. എന്നാല്‍, തീവ്രവാദികളുടെ പേരോ മറ്റ് വിവരങ്ങളോ കശ്മീര്‍ പൊലീസ് വെളിപ്പെടുത്തിയിട്ടില്ല.
പൊലീസും സി.ആര്‍.പി.എഫും സംയുക്തമായാണ് ഭീകരര്‍ക്കായി തെരച്ചില്‍ നടത്തിയത്. രഹസ്യവിവരത്തെ തുടര്‍ന്നായിരുന്നു തെരച്ചില്‍. പുല്‍വാമയിലെ റ്റികന്‍ ഗ്രാമത്തില്‍ തീവ്രവാദികള്‍ ഒളിച്ചിരിക്കുന്നുണ്ടെന്നായിരുന്നു രഹസ്യവിവരം.
