കോഴിക്കോട്: കോണ്ഗ്രസ് നേതാവും എംപിയുമായ കെ മുരളീധരനെതിരെ കെപിസിസി അധ്യക്ഷന് മുല്ലപ്പള്ളി രാമചന്ദ്രന്. മുരളീധരന് സംയമനം പാലിക്കണമെന്ന് മുല്ലപ്പള്ളി ആവശ്യപ്പെട്ടു. വെല്ഫെയര് പാര്ട്ടിയുമായി സഖ്യം വേണ്ടെന്ന് തീരുമാനിച്ചത് മുരളീധരനും ഉള്പ്പെട്ട സമിതിയാണ്. വെല്ഫെയര് പാര്ട്ടിയുമായി സഖ്യമില്ലെന്നും അദ്ദേഹം ആവര്ത്തിച്ചു. അതേസമയം, മുരളീധരന് ഉന്നയിച്ച പ്രശ്നങ്ങള് ചര്ച്ച ചെയ്യുമെന്ന് മുന് മുഖ്യമന്ത്രി ഉമ്മന്ചാണ്ടി വ്യക്തമാക്കി.
കോഴിക്കോട് വടകര ബ്ലോക്ക് പഞ്ചായത്തിലെ കല്ലാമല ഡിവിഷനില് വിമത സ്ഥാനാര്ത്ഥിക്ക് പാര്ട്ടി ചിഹ്നം നല്കിയ സംഭവത്തില് മുരളീധരന് മുല്ലപ്പള്ളി രാമചന്ദ്രനെ രൂക്ഷമായി വിമര്ശിച്ചിരുന്നു. പ്രശ്നം പരിഹരിച്ചില്ലെങ്കില് പ്രചാരണത്തിന് ഇറങ്ങില്ലെന്നും അദ്ദേഹം വ്യക്തമാക്കിയിട്ടുണ്ട്.
