കൊയിലാണ്ടി: തെരഞ്ഞെടുപ്പ് പ്രചരണങ്ങളുടെ ഭാഗമായി കൊയിലാണ്ടി മുന്സിപ്പാലിറ്റി, ചെങ്ങോട്ട്കാവ് പഞ്ചായത്തിലെ വിവിധ പ്രദേശങ്ങളില് ബിജെപി ദേശീയ വൈസ് പ്രസിഡന്റ് എ.പി. അബ്ദുള്ളക്കുട്ടി സന്ദര്ശനം നടത്തി.
ബീഹാറിലെ ബിജെപി തെരഞ്ഞെടുപ്പ് വിജയം കൊയിലാണ്ടി മുനിസിപ്പാലിറ്റിയിലെ വാര്ഡ് 10 ലെ പ്രവര്ത്തകര്ക്കൊപ്പം അദ്ദേഹം ആഘോഷിച്ചു. ചെങ്ങോട്ട്കാവ് ഗ്രാമ പഞ്ചായത്ത് അഞ്ചാം വാര്ഡ് സ്ഥാനാര്ത്ഥി ജ്യോതി നളിനത്തിന്റെ തെരഞ്ഞെടുപ്പ് പ്രചരണം അബ്ദുള്ളകുട്ടി ഉദ്ഘാടനം ചെയ്തു.
ബിജെപി കൊയിലാണ്ടി മണ്ഡലം പ്രസിഡന്റ് ജയ്കിഷ്, ജില്ലാ ട്രഷറര് വി.കെ. ജയന്, സംസ്ഥാന സമിതി അംഗം രജിനെഷ് ബാബു, സി. ഗലേഷ്, ടി.എം. രവീന്ദ്രന്, സതീശന് കുനിയില്, സി. ദാസന്, അഭിനന്ത് മുകേഷ് എന്നിവര് പങ്കെടുത്തു.
