തിരുവല്ല: മന്ത്രി സി. രവീന്ദ്രനാഥിന്റെ ഡ്രൈവറെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. ഇരവിപേരൂര്‍ നന്നൂര്‍ സ്വദേശി രാരിഷാണ് തൂങ്ങി മരിക്കാന്‍ ശ്രമിച്ചത്. സജീവ സിപിഎം പ്രവര്‍ത്തകനാണ്. കഴിഞ്ഞദിവസം സുഹൃത്തുക്കള്‍ തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ എത്തിച്ചത്. ഇദ്ദേഹത്തിന്റെ നില ഗുരുതരമാണെന്നും അബോധാവസ്ഥയില്‍ തുടരുകയാണെന്നും തിരുവല്ല ഡി.വൈ.എസ്.പി. വ്യക്തമാക്കി. ആത്മഹത്യശ്രമത്തിലേക്ക് നയിച്ച കാരണം വ്യക്തമല്ല.
രാരിഷ് ആത്മഹത്യയ്‌ക്ക് ശ്രമിച്ചതാണെന്നാണ് പോലീസ് നല്‍കുന്ന വിവരം. ഇദ്ദേഹത്തിന്റെ കഴുത്തില്‍ പാടുകളുണ്ടായിരുന്നു. തൂങ്ങിമരിക്കാന്‍ ശ്രമിച്ചതാണെന്നാണ് പോലീസ് കരുതുന്നത്. രാരിഷിന് മാനസികപ്രശ്‌നങ്ങള്‍ ഉണ്ടായിരിക്കാമെന്നും അബോധാവസ്ഥയില്‍ തുടരുന്നതിനാല്‍ മൊഴി എടുക്കാന്‍ കഴിഞ്ഞിട്ടില്ലെന്നും തിരുവല്ല ഡി.വൈ.എസ്.പി. പറഞ്ഞു.
