ചെറുതോണി: നഗരംപാറ റേയിഞ്ചാഫീസിന്റെ പരിധിയില്‍ പൈനാവ് ആനവാര്‍ഡില്‍ ചരിഞ്ഞ് കുട്ടിക്കൊമ്പന്റെ ജഡം പോസ്റ്റുമോര്‍ട്ടത്തിന് ശേഷം സംസ്‌കരിച്ചു. കോട്ടയം സബ് ഡിവിഷന്‍ വെറ്റിനറി ഓഫീസര്‍ കിഷോര്‍കുമാര്‍, മൂന്നാര്‍ ഡിവിഷന്‍ വെറ്റിനറി ഓഫീസര്‍ നിഷ റേച്ചല്‍ എന്നിവരാണ് പോസ്റ്റുമോര്‍ട്ടം നടത്തിയത്.
സമീപത്തുള്ള പാറയല്‍ നിന്ന് തെന്നി വീണാണ് മരണം സംഭവിച്ചതെന്ന് പോസ്റ്റുമോര്‍ട്ടത്തില്‍ കണ്ടെത്തി. ആനയുടെ വാരിയെല്ലുകള്‍ ഒടിഞ്ഞ നിലയിലായിരുന്നു. ജഡത്തിന് ഒരാഴ്ചത്തെ പഴക്കമുണ്ട്. ഉദ്ദേശം നാല് വയസുതോന്നിക്കുന്ന കൊമ്പന്റെ ജഡമാണ് കണ്ടെത്തിയത്.
അപകട സമയത്ത് മറ്റാനകള്‍ ഒപ്പമുണ്ടായിരുന്നെന്നും ദിവസങ്ങളോളം കുട്ടികൊമ്പന്റെ ജഡത്തിന് കാവല്‍ നിന്നതിന്റെയും ലക്ഷണങ്ങള്‍ സമീപത്തുണ്ടായിരുന്നതായി റെയിഞ്ചോഫീസര്‍ ഹരികുമാര്‍, ഡെപ്യൂട്ടി റെയിഞ്ചര്‍ ജോജി എം. ജേക്കബ് എന്നിവര്‍ പറഞ്ഞു.
