നെടുങ്കണ്ടം: ചേമ്പളത്തിന് സമീപം ഓട്ടോറിക്ഷയും പിക്കപ്പ് ജീപ്പും കൂട്ടിയിടിച്ച് രണ്ടുപേര്‍ക്ക് പരുക്ക്. ചേമ്പളത്തിന് സമീപത്തെ വളവില്‍ ഇന്നലെ വൈകുന്നേരമാണ് അപകടം നടന്നത്.
ചേമ്പളത്തുനിന്നും കല്ലാറിന് പോയ ഓട്ടോറിക്ഷയില്‍ എതിരേവന്ന പിക്കപ്പ് ജീപ്പ് ഇടിക്കുകയായിരുന്നു. അപകടത്തില്‍ ഓട്ടോറിക്ഷാ ഡ്രൈവറായ ചേമ്പളം സ്വദേശി നിധിഷ്(30), പിക്കപ്പില്‍ ഉണ്ടായിരുന്ന കവുന്തി തോട്ടുമാക്കല്‍ അനന്ദു(20) എന്നിവര്‍ക്ക് പരുക്കേറ്റു.
ഇവരെ നെടുങ്കണ്ടം താലൂക്ക് ആശുപത്രിയില്‍ പ്രവേശിപ്പിച്ചു. ഇരുവരുടെയും പരുക്ക് ഗുരുതരമല്ല. അപകടത്തില്‍ ഓട്ടോറിക്ഷ പൂര്‍ണമായും തകര്‍ന്നു.
