ചിക്കാഗോ: അയോധ്യയിൽ ശ്രീരാമ ക്ഷേത്ര നിർമാണത്തിന്റെ മുന്നോടിയായുള്ള ഭൂമി പൂജയിലും ശിലാന്യാസത്തിനും പ്രണാമമർപ്പിച്ച് ചിക്കാഗോ ഗീതാമണ്ഡലം. ഈ മാസം അഞ്ചാം തീയതി രാവിലെ 12.30നും 12.40നും (ഇന്ത്യൻ സമയം) ഇടയിലുള്ള മുഹൂര്‍ത്തത്തിലാണ് ചടങ്ങുകൾ നടക്കുക.
ശ്രീരാമദേവൻ തന്റെ പതിനാല് വര്‍ഷത്തെ വനവാസത്തിന് ശേഷം അയോധ്യാപുരിയിലേക്ക് വന്നപ്പോൾ എപ്രകാരമാണോ അയോധ്യയിലെ ജനങ്ങൾ ദീപവലിയുമായി ശ്രീരാമൻചന്ദ്രനെ സ്വാഗതം ചെയ്തത്, അതുപോലെ ലോകം മുഴുവനുള്ള ഹൈന്ദവ ജനതയോടൊപ്പം ചിക്കാഗോ ഗീതാമണ്ഡലവും ചിരാതുകൾ തെളിച്ചും വിശേഷാൽ പൂജകൾ സംഘടിപ്പിച്ചും ഈ പുണ്യ ദിനം ആഘോഷിക്കും.
ലോകം മുഴുവനുള്ള ഹൈന്ദവ ജനതക്ക്, അയോധ്യ എന്നാൽ വെറുമൊരു ചരിത്ര ഭൂമി മാത്രമല്ല, മറിച്ച് ഓരോ ഹിന്ദുവിന്റെയും പുണ്യഭൂമിയാണ്. ഭാരതീയ സംസ്കാരത്തിന്റെ തായ്‌വേരുകൾ കുടികൊള്ളുന്ന ഈ പുണ്യ ഭൂമിയിൽ ആണ് വര്ഷങ്ങളുടെ കാത്തിരിപ്പിനുശേഷം ശ്രീരാമദേവ ക്ഷേത്രം ഉയർന്നുവരുന്നത്.
