വാരഫലം

ആഗസ്റ്റ് 2 മുതല്‍ 8 വരെ

മേടക്കൂറ്: അശ്വതി, ഭരണി, കാര്‍ത്തിക (1/4)

ആധ്യാത്മിക കാര്യങ്ങളില്‍ വ്യാപരിക്കാനുള്ള അവസരം സിദ്ധിക്കും. ബന്ധുക്കള്‍ ശത്രുതാപരമായ സമീപനം കൈക്കൊള്ളും. അര്‍ഹമായി വന്നുചേരേണ്ടതായ ധനത്തിന് കാലതാമസം ഉണ്ടാവും.

ഇടവക്കൂറ്: കാര്‍ത്തിക (3/4), രോഹിണി,  

മകയിരം (1/2)

സന്താനങ്ങള്‍ക്കായുള്ള പരിശ്രമങ്ങള്‍ സഫലീകൃതമാവും. ജീവിതഗതിക്കായി നൂന മാര്‍ഗങ്ങള്‍ അവലംബിക്കും. വിവാഹകാര്യങ്ങളില്‍ കാര്യമായ പുരോഗതിയുണ്ടാവും. ലോഹ സംബന്ധമായ ക്രയവിക്രയങ്ങളില്‍ നഷ്ടസാധ്യതയുണ്ട്.

മിഥുനക്കൂറ്: മകയിരം (1/2), തിരുവാതിര,  

പുണര്‍തം (3/4)

സാമ്പത്തിക സ്രോതസ്സുകള്‍ വര്‍ധിക്കും. വലിയ വാഹനങ്ങള്‍ വാങ്ങാന്‍ അവസരമുണ്ട്. സല്‍കീര്‍ത്തിയും കൂടുതല്‍ അംഗീകാരവും ലഭ്യമാവും. യാത്രാവേളകളില്‍ അപകടഭീതിയുണ്ടാവും.

കര്‍ക്കടകക്കൂറ്: പുണര്‍തം(1/4), പൂയം, ആയില്യം

തര്‍ക്കവിഷയങ്ങള്‍ക്ക് പരിഹാരമുണ്ടാവും. ധനലാഭത്തിനും സ്ഥാനലഭ്യതക്കും അവസരം സിദ്ധിക്കും. പ്രേമകാര്യങ്ങൡ പുരോഗതി ദൃശ്യമാവും. കളവുകള്‍ തിരികെ ലഭിക്കും.

ചിങ്ങക്കൂറ്: മകം, പൂരം, ഉത്രം(1/4)

പുതിയ തൊഴില്‍ സംരംഭങ്ങളില്‍ ഏര്‍പ്പെട്ട് വിജയം വരിക്കും. രാഷ്‌ട്രീയരംഗത്ത് പ്രവര്‍ത്തിക്കുന്നവര്‍ക്ക് പല നേട്ടങ്ങളും വന്നുചേരും. ആത്മബന്ധങ്ങള്‍ ദൃഢമാവും. സാമ്പത്തിക സ്രോതസ്സുകള്‍ വര്‍ധിക്കും.

കന്നിക്കൂറ്: ഉത്രം (3/4), അത്തം, ചിത്തിര(1/2)

വ്യവഹാരങ്ങള്‍ക്ക് അനുകൂല വിധിയുണ്ടാവും. ഭൂമി വാങ്ങാന്‍ അവസരം ലഭിക്കും. സേനാ വിഭാഗങ്ങളില്‍ ജോലി സാധ്യതയുണ്ട്. സ്വജനതകലഹത്തിന് അവസരമുണ്ട്.

തുലാക്കൂറ്: ചിത്തിര(1/2), ചോതി,  

വിശാഖം (3/4)

അധ്വാധഭാരം വര്‍ധിക്കുന്നതാണ്. ഭൂമി വില്‍ക്കാന്‍ അവസരം ലഭിക്കും. സര്‍ക്കാര്‍ സംബന്ധമായ സഹായങ്ങള്‍ ലഭ്യമാവും. സന്താനങ്ങള്‍ ഹേതുവായി മനോവിഷമത്തിന് സാധ്യതയുണ്ട്.

വൃശ്ചികക്കൂറ്: വിശാഖം(1/4), അനിഴം,  

തൃക്കേട്ട

സ്ഥാപനങ്ങള്‍ക്കും പദവികള്‍ക്കും പരിവര്‍ത്തനമുണ്ടാകും. ആരോഗ്യനില പുഷ്ടിപ്പെടും. ദേവാലയങ്ങള്‍ക്കായി ധനം വിനിയോഗിക്കും. സഞ്ചാരക്ലേശം വര്‍ധിക്കും.

ധനുക്കൂറ്: മൂലം, പൂരാടം, ഉത്രാടം(1/4)

ഗൃഹത്തില്‍ മംഗളകര്‍മങ്ങള്‍ നടത്തപ്പെടും. നൂതന സൗഹൃദങ്ങള്‍ സ്ഥാപിച്ചെടുക്കും. മതാചാരചടങ്ങുകളില്‍ പങ്കുകൂടാന്‍ അവസരം ലഭിക്കും. ഉദരരോഗ സാധ്യതയുണ്ട്.

മകരക്കൂറ്: ഉത്രാടം(3/4), തിരുവോണം,  

അവിട്ടം (1/2)

ആത്മബന്ധങ്ങള്‍ പലതും അവതാളത്തിലാകും. കലാ, വിനോദങ്ങളില്‍ പങ്കെടുക്കും. ഭൃത്യസഹായവും സഹോരഗുണവും പ്രതീക്ഷിക്കാം. ജോലിഭാരം വര്‍ധിക്കുന്നതാണ്.

കുംഭക്കൂറ്: അവിട്ടം(1/2), ചതയം,  

പൂരുരുട്ടാതി(3/4)

മാതൃബന്ധുഗണങ്ങളുടെ സഹായം വര്‍ധിക്കും. ഗൃഹനിര്‍മാണത്തിന് തുടക്കമിടും. വരവുചെലവുകള്‍ തുല്യതയില്‍ തുടരും. ശത്രുവര്‍ധനവുണ്ടാകും.

മീനക്കൂറ്: പൂരുരുട്ടാതി(1/4), ഉതൃട്ടാതി,  

രേവതി

ഔദ്യോഗിക പരീക്ഷകളില്‍ അനായാസേന വിജയമുണ്ടാവും. അധികാരസ്ഥാനങ്ങളില്‍ സ്വാധീനം വര്‍ധിക്കും. പൊതുകാര്യങ്ങളില്‍ വ്യാരിച്ച് അധിക ബാധ്യതകള്‍ വലിച്ചുവയ്‌ക്കും. പുതിയ വിദ്യകളും തൊഴില്‍ പരിശീലനവും നേടിയെടുക്കുവാന്‍ സാധിക്കും.