കണ്ണൂര്: കള്ളകടത്തുകാര്ക്ക് മുഖ്യമന്ത്രിയുടെ ഓഫീസിന്റെ സഹായം ലഭിക്കുന്നത് മലയാളികള്ക്ക് അപമാനമാണെന്ന് ബിജെപി ദേശീയ സമിതി അംഗം സി.കെ. പത്മനാഭന് അഭിപ്രായപ്പെട്ടു. സ്വര്ണ്ണക്കടത്ത് കേസിന്റെ ധാര്മ്മിക ഉത്തരവാദിത്വം ഏറ്റെടുത്ത് പിണറായി വിജയന് രാജിവെക്കണമെന്നാവശ്യപ്പെട്ട് ബിജെപി പോസ്റ്റ്കാര്ഡ് കാമ്പയിന്റെ ഭാഗമായികണ്ണൂര് ജില്ലാ കമ്മിറ്റിയുടെ നേതൃത്വത്തില് ക്ലിഫ് ഹൗസിലേക്ക് പോസ്റ്റ് കാര്ഡ് അയച്ച് പ്രതിഷേധിക്കുന്നതിന്റെ ജില്ലാതല ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം.
പിണറായിക്ക് ഒന്നും ഒളിച്ചു വെക്കാനില്ലെങ്കില് ആരോപണ വിധേയരായവര്ക്കെതിരെയെല്ലാം നടപടി എടുക്കണമായിരുന്നു. സോളാര് കേസില് ഉമ്മന് ചാണ്ടി എടുത്ത നിലപാട് തന്നെയാണ് പിണറായിയും സ്വീകരിക്കുന്നത്. കേരളത്തില് എല്ഡിഎഫും യുഡിഎഫും രണ്ട് മുന്നണിയാണെങ്കിലും സ്വഭാവത്തില് ഒന്നാണെന്ന് തെളിയിച്ചിരിക്കയാണ് എന്ന് അദ്ദേഹം പറഞ്ഞു.
ജില്ലാ പ്രസിഡണ്ട് എന്. ഹരിദാസ് അധ്യക്ഷത വഹിച്ചു. സംസ്ഥാന വൈസ് പ്രസിഡണ്ട് എ.പി. അബ്ദുള്ളക്കുട്ടി, ജില്ലാ ജനറല് സെക്രട്ടറി മാരായ കെ.കെ വിനോദ് കുമാര്, ബിജു ഏളക്കുഴി എന്നിവര് സംബന്ധിച്ചു.
ജന്മഭൂമി ഓണ്ലൈന്