ലണ്ടന്: എഫ്എ കപ്പിന്റെ ഫൈനലിലെത്തിയ ആഴ്സണലിനെ പ്രീമിയര് ലീഗില് ആസ്റ്റണ് വില്ല അട്ടിമറിച്ചു. ഏകപക്ഷീയമായ ഒരു ഗോളിനാണ് ആസ്റ്റണ് വില്ല ആഴ്സണലിനെ ഞെട്ടിച്ചത്. 27-ാം മിനിറ്റില് ട്രെസീഗറ്റാണ് നിര്ണായക ഗോള് നേടിയത്.
നേരത്തെ പ്രീമിയര് ലീഗില് ലിവര്പൂളിനെയും എഫ്എ കപ്പ് സെമിയില് മാഞ്ചസ്റ്റര് യുണൈറ്റഡിനെയും തോല്പ്പിച്ച ടീമില് ഏഴു മാറ്റങ്ങളുമായാണ് ആ്ഴ്സണല് ആസ്റ്റണ് വില്ലക്കെതിരെ കളിക്കാനിറങ്ങിയത്. ഈ മാറ്റങ്ങള് അവര്ക്ക് തിരിച്ചടിയായി.
അതേസമയം ആസ്റ്റണ് വില്ല തുടക്കം മുതല് തകര്ത്തുകളിച്ചു. 27-ാം മിനിറ്റില് അവര് ഗോളും നേടി.കോര്ണര് കിക്ക് മുതലാക്കി ട്രെസീഗറ്റാണ് ആഴ്സണിലിന്റെ വലയിലേക്ക് പന്ത് കടത്തിവിട്ടത്.
ഈ വിജയത്തോടെ ആസ്റ്റണ് വില്ല തരംതാഴ്ത്തല് ഭീഷണിയില് നിന്ന് കരകയറി. മുപ്പത്തിയേഴ് മത്സരങ്ങളില് 34 പോയിന്റുമായി അവര് 17-ാം സ്ഥാനത്ത് നില്ക്കുകയാണ്. 37 മത്സരങ്ങളില് അമ്പത്തിമൂന്ന് പോയിന്റുള്ള ആഴ്സണല് പത്താം സ്ഥാനത്താണ്.
മറ്റൊരു മത്സരത്തില് മാഞ്ചസ്റ്റര് സിറ്റി മടക്കമില്ലാത്ത നാലു ഗോളുകള്ക്ക് വാറ്റ്ഫോര്ഡിനെ തോല്പ്പിച്ചു.
