(ശ്രീമദ് ഭാഗവതം ദശമസ്കന്ധത്തെ ആധാരമാക്കിയുള്ള പ്രശ്നോത്തരി)
1. ബ്രഹ്മാവിന്റെ കല്പന അനുസരിച്ച് ഗോകുലത്തില് യശോദയും നന്ദഗോപനുമായിട്ട് ജന്മമെടുത്തത് ശ്രേഷ്ഠനായ ഒരു വസുവും ഭാര്യയും ആയിരുന്നു എന്തായിരുന്നു അവരുടെ പേരുകള്?
ഉ: ദ്രോണന് (നന്ദഗോപര്) ധര (യശോദയായിട്ട്).
2. ബ്രഹ്മദേവന്റെ കല്പന അനുസരിച്ച് ഭൂമിയില് ജനിക്കുന്നതിന് ദ്രോണനും ധരയും എന്തു വരമാണ് വരിച്ചത്?
ഉ: ഭഗവാനില് നിഷ്കാമമായ ഭക്തിയുണ്ടാകണം
3. ബ്രഹ്മാവ് ദ്രോണനും ധരയ്ക്കും നല്കിയ വരം എങ്ങനെ സത്യമായിത്തീര്ന്നു.?
ഉ: പുത്രഭാവത്തില് അവതരിച്ച് അവര്ക്ക് അധികം ഭക്തിയുണ്ടാക്കി.
4. എന്തിനാണ് യശോദ കൃഷ്ണനെ ഉരലില് കെട്ടിയിട്ടത്?
ഉ: അമ്മികുഴവികൊണ്ട് (നാരായണീയത്തില് കടക്കോല് കൊണ്ട്) തൈര് കലം ഉടച്ചതിന്.
5. എന്തിനാണ് കൃഷ്ണന് തൈര് കലം ഉടച്ചത്?
ഉ: അടുപ്പത്ത് വച്ചിരുന്ന പാല് തിളച്ചു തൂവാതിരിപ്പാന് മുലപ്പാല് കുടിച്ച് തൃപ്തിവരാതിരുന്ന മകനെ വിട്ടിട്ട് തിടുക്കത്തില് വാങ്ങിവയ്ക്കാന് യശോദപോയി. ഇത് ഭഗവാനെ പ്രകോപ്പിച്ചു.
6. നാരദ മഹര്ഷിയുടെ ശാപം നിമിത്തം വൃക്ഷങ്ങളായി (മരുതുവൃക്ഷങ്ങള്) മാറിയ രണ്ടുകുബേരപുത്രന്മാര്?
ഉ: നളകൂബരന്, മണിഗ്രീവന്
7. എന്തിനാണ് നാരദമഹര്ഷി കുബേര
പുത്രമാരെ ശപിച്ച് വൃക്ഷങ്ങളാക്കിയത്?
ഉ: ഐശ്വര്യമദാന്ധരും, മദ്യപാനികളും, സ്ത്രീലമ്പടമാരുമായി ജീവിച്ചതിന്
8. ഗോപന്മാരുടെ പ്രധാനപ്പെട്ട സ്വത്ത് എന്തായിരുന്നു?
ഉ: ഗോക്കള്
9. ഗോകുലബാലന്മാര്ക്കു നാശമുണ്ടാക്കുന്ന അനേകം ദുര്നിമിത്തങ്ങളാല് വൃന്ദാവനത്തിലേക്ക് മാറിത്താമസിക്കണമെന്ന് ഉപദേശിച്ചതാരാണ്?
ഉ: വയോവൃദ്ധനും ജ്ഞാനവൃദ്ധനുമായ ഉപനന്ദന്
10.സൂര്യപുത്രിയായ യമുനയ്ക്ക് കാളിന്ദി എന്ന് പേരുവരാന് കാരണമെന്ത്?
ഉ: കളിന്ദപര്വതത്തില് നിന്ന് ഉത്ഭവിക്കുന്നതുകൊണ്ട്
തയാറാക്കിയത്: തലവടി ഗോപിനാഥന് നായര്
