തൃശൂര്: ചേലക്കര നിയോജക മണ്ഡലത്തില് വിവിധ പഞ്ചായത്തുകളില് നിന്നായി വിവിധ പാര്ട്ടികളില് സജീവമായി പ്രവര്ത്തിച്ചിരുന്ന 200ഓളം കുടുംബങ്ങള് ബിജെപിയില് ചേര്ന്നു. പാര്ട്ടി മാറിയവരില് സിപിഐ ബ്രാഞ്ച് സെക്രട്ടറിയും കോണ്ഗ്രസ് ബൂത്ത് പ്രസിഡന്റും 4 സിഐടിയു ചുമട്ട് തൊഴിലാളികളും ഉള്പ്പെടുന്നു. ബിജെപി ജില്ലാ പ്രസിഡന്റ് അഡ്വ കെ.കെ. അനിഷ്കുമാറില് നിന്ന് ഇവര് അംഗത്വം സ്വീകരിച്ചു.
ചേലക്കര മണ്ഡലം പ്രസിന്ധന്റ് പി.ആര്. രാജ്കുമാര്, ജനറല് സെക്രട്ടറി ടി.സി. പ്രകാശന്, ട്രഷറര് കൃഷ്ണദാസ്, ജില്ല കമ്മറ്റി അംഗങ്ങളായ എം.എ. രാജു , പി.ആര്. മോഹനന് ശശി, ഗുരു എന്നിവരും വിവിധ പഞ്ചായത്ത് പ്രസിഡന്റ്മാരും സ്വീകരണ യോഗങ്ങള്ക്ക് നേതൃത്വം നല്കി. പാറളം: പാറളത്ത് അമ്പതോളം പേര് കോണ്ഗ്രസ് വിട്ട് ബിജെപിയില് ചേര്ന്നു. 14-ാം വാര്ഡില് ബൂത്ത് പ്രസിഡന്റ് ഉള്പ്പെടെ 50ഓളം പേരാണ് കോണ്ഗ്രസ് വിട്ട് ബിജെപിയില് ചേര്ന്നത്.
പള്ളിപുറത്ത് നടന്ന ചടങ്ങില് ബിജെപി സംസ്ഥാന ജനറല് സെക്രട്ടറി എം.ടി. രമേഷ് പ്രവര്ത്തകരെ ഷാളണിയിച്ച് സ്വീകരിച്ചു. ബിജെപി പഞ്ചായത്ത് പ്രസിഡന്റ് സുബി കൊന്നാക്കന് അധ്യക്ഷത വഹിച്ച ചടങ്ങില് ജില്ലാ ജനറല് സെക്രട്ടറി അഡ്വ:കെ.ആര്. ഹരി, മണ്ഡലം പ്രസിഡന്റ് ഹരീഷ്, സുനില് ജി മാക്കന്, മനോഷ്, സുധീര് പള്ളിപ്പുറം, പ്രദീപ് പാണപറമ്പില് തുടങ്ങിയവര് സംസാരിച്ചു.
