കാഞ്ഞങ്ങാട്: ഭാരതത്തിന്റെ അതിര്ത്തി പ്രദേശമായ ലഡാക്കിയിലെ സൈനികത്താവളത്തില് അപ്രതീക്ഷിത സന്ദര്ശനം നടത്തിയ പ്രധാനമന്ത്രി നരേന്ദ്രമോദിയെ അധിക്ഷേപിച്ച് ഫേസ്ബുക്കില് പോസ്റ്റ് ഇട്ട പുല്ലൂര് സ്വദേശിയും ആനന്ദാശ്രമം മില്മ ഡയറിയിലെ സെക്യൂരിറ്റി ജീവനക്കാരനുമായ റിട്ട. വിമുക്തഭടനെതിരെ നടപടിയെടുക്കണമെന്നാവശ്യപ്പെട്ട് യുവമോര്ച്ച ആവശ്യപ്പെട്ടു. യുവമോര്ച്ച കാഞ്ഞങ്ങാട് മണ്ഡലം കമ്മറ്റിയുടെ നേതൃത്വത്തില് മാവുങ്കാലില് നിന്ന് ആനന്ദാശ്രമം മില്മ ഡയറിയിലേക്ക് പ്രതിഷേധ മാര്ച്ച് നടത്തി.
പ്രതിഷേധ യോഗം യുവമോര്ച്ച ജില്ലാ ജനറല് സെക്രട്ടറി വൈശാഖ് കേളോത്ത് ഉദ്ഘാടനം ചെയ്തു. ജില്ലാ വൈസ് പ്രസിഡണ്ട് ശ്രീജിത്ത് പാറക്കളായി അധ്യക്ഷത വഹിച്ചു. ബിജെപി ജില്ലാ കമ്മറ്റി അംഗങ്ങളായ രവീന്ദ്രന് മാവുങ്കാല്, എം.പ്രദീപ് കുമാര് തുടങ്ങിയവര് സംസാരിച്ചു. കാഞ്ഞങ്ങാട് മണ്ഡലം ജനറല് സെക്രട്ടറി ശരത്ത് മരക്കാപ്പ് സ്വാഗതം പറഞ്ഞു. പ്രതിഷേധ പ്രകടനത്തിന് വൈശാഖ് മാവുങ്കാല്, കൃഷ്ണപ്രസാദ്, വിജേഷ് നെല്ലിത്തറ, മനോജ് മാവുങ്കാല് തുടങ്ങിയവര് നേതൃത്വം നല്കി.
