കൊല്ലം: മരണത്തിനുമായില്ല കൃതികയുടെ വിജയത്തിളക്കം മായ്ക്കാന്. കൊതിച്ച വിജയം തേടിയെത്തുന്നതിനും എട്ടുദിവസം മുമ്പേ മരണം കൃതികയെ മടക്കിവിളിച്ചു.
കൊറ്റന്കുളങ്ങര സര്ക്കാര് വിഎച്ച്എച്ച്എസിലെ വിദ്യാര്ത്ഥിനി കൃതികയ്ക്ക് എസ്എസ്എല്സി പരീക്ഷയില് ഫലം വന്നപ്പോള് മുഴുവന് വിഷയങ്ങള്ക്കും എ പ്ലസ്. 482772 എന്ന രജിസ്റ്റര് നമ്പറിലാണ് കൃതിക പരീക്ഷ എഴുതിയത്.
കരള് രോഗത്തെ തുടര്ന്ന് കഴിഞ്ഞ ആഴ്ചയാണ് കൃതിക മരണപ്പെട്ടത്. പരീക്ഷ എഴുതി ഫലം കാത്തിരിക്കുന്നതിനിടെയായിരുന്നു ഏവരെയും വേദനിപ്പിച്ച വിയോഗം.
രണ്ടു വര്ഷം മുന്പ് കൃതികയുടെ അച്ഛന് വേലായുധന്കുട്ടി പിള്ള അര്ബുദ രോഗത്തെ തുടര്ന്ന് മരണപ്പെട്ടിരുന്നു. ചവറ പഞ്ചായത്തിലെ ക്ലര്ക്കാണ് അമ്മ ബിന്ദു. ഇവരുടെ മൂന്നു കുട്ടികളില് മൂത്ത മകളായിരുന്നു കൃതിക.
