കുന്നത്തൂര്: എക്സൈസ് ആഫീസ് നിര്മാണത്തിന്റെ മറവില് ശാസ്താംകോട്ട തടാകതീരത്തെ കുന്നുകളിടിച്ച് മണ്ണ് കടത്താനുള്ള നീക്കത്തിനെതിരെ ബിജെപി കുന്നത്തൂര് നിയോജകമണ്ഡലം കമ്മിറ്റി പ്രതിഷേധിച്ചു. സര്ക്കാര് ആഫീസുകളുടെ നിര്മാണത്തിന് പര്യാപ്തമായ സര്ക്കാര് സ്ഥലങ്ങള് ശാസ്താംകോട്ടയില് നിലവിലുള്ളപ്പോള് എക്സൈസ് ആഫീസ് തടാകതീരത്തുതന്നെ നിര്മിക്കണമെന്ന സ്ഥലം എംഎല്എയുടെ പിടിവാശി ദുരൂഹമാണ്.
തടാകത്തിന്റെ നാശത്തിന് കാരണമാകുന്ന നിര്മാണ പ്രവര്ത്തനങ്ങളുള്പ്പെടെയുള്ള നടപടിക്കെതിരെ ബിജെപി മുന് സംസ്ഥാന അദ്ധ്യക്ഷന് കുമ്മനം രാജശേഖരന് ഉള്പ്പെടെയുള്ള ബിജെപി നേതാക്കള് നേരത്തെ സ്ഥലം സന്ദര്ശിച്ച് അധികാരികളുടെ ശ്രദ്ധ ക്ഷണിച്ചിരുന്നു. എതിര്പ്പിനെ തുടര്ന്ന് നിര്ത്തിവച്ചിരുന്ന കുന്നിടിക്കല് നടപടി കൊറോണയുടെ മറവില് വീïും ആരംഭിച്ചിരിക്കുകയാണ്.
ഇതിനെതിരായി പ്രകൃതി സ്നേഹികളെ ഉള്പ്പെടുത്തി ശക്തമായ പ്രക്ഷോഭം സംഘടിപ്പിക്കുമെന്ന് സ്ഥലം സന്ദര്ശിച്ച ബിജെപി കുന്നത്തൂര് മണ്ഡലം പ്രസിഡന്റ്റ് ബൈജു ചെറുപൊയ്ക അറിയിച്ചു. ഒബിസി മോര്ച്ച സംസ്ഥാന വൈസ് പ്രസിഡന്റ് എന്. കൃഷ്ണന്, ആര്. രാജേന്ദ്രന്പിള്ള, പി.എന്. മുരളീധരന്പിള്ള, ഡി. സുരേഷ്, പ്രകാശ് പാപ്പാടി, മഹേഷ്, മണികണ്ഠന്, അഖില് എന്നിവരടങ്ങുന്ന സംഘം അദ്ദേഹത്തോടൊപ്പം ഉണ്ടായിരുന്നു.
