നെയ്യാറ്റിന്‍കര: കേന്ദ്രസര്‍ക്കാരിന്റെ കര്‍ഷകക്ഷേമ പദ്ധതികള്‍ അട്ടിമറിക്കുന്നതിനെതിരെ ബിജെപിയുടെ പ്രതിഷേധം. ജനങ്ങള്‍ നല്‍കുന്ന അപേക്ഷകള്‍ അലക്ഷ്യമായി വലിച്ചെറിയുന്ന രീതിയിലുള്ള പ്രവര്‍ത്തനമാണ് പെരുമ്പഴുതൂര്‍ കൃഷി ഭവനില്‍ നടക്കുന്നതെന്ന് നിരവധി പരാതികളാണ് ഉയരുന്നത്. തുടര്‍ന്നാണ് കര്‍ഷകമോര്‍ച്ച പ്രവര്‍ത്തകര്‍ പെരുമ്പഴുതൂര്‍ കൃഷി ഓഫീസിനു മുന്നില്‍ പ്രതിഷേധം സംഘടിപ്പിച്ചത്.
ബിജെപി പെരുമ്പഴുതൂര്‍ ഏര്യാ കമ്മറ്റിയുടെ നേതൃത്വത്തില്‍ കൃഷിഭവനു മുന്നില്‍ നടത്തിയ ധര്‍ണയില്‍ ഏര്യാ പ്രസിഡന്റ് ശിവകുമാര്‍ അധ്യക്ഷത വഹിച്ചു. കര്‍ഷക മോര്‍ച്ച ജില്ലാ ജനറല്‍ സെക്രട്ടറി മഞ്ചത്തല സുരേഷ് ഉദ്ഘാടനം ചെയ്തു. നഗരസഭാ കൗണ്‍സിലര്‍ അഡ്വ. സ്വപ്‌നജിത്ത്, ആലംപൊറ്റ ശ്രീകുമാര്‍, സുകേശ്, രഞ്ചിത്ത് ചന്ദ്രന്‍, മണലൂര്‍ ശിവപ്രസാദ്, ശിവകുമാര്‍, രതീഷ് തുടങ്ങിയവര്‍ സംസാരിച്ചു.
