റോം: കോപ്പ ഇറ്റാലിയയില് കിരീടമണിഞ്ഞ നാപ്പോളി സിരി എ യിലും മികവ് തുടരുന്നു. ഇന്നലെ അവര് മടക്കമില്ലാത്ത രണ്ട് ഗോളുകള്ക്ക്് ഹെല്ലാസ് വെറോണയെ പരാജയപ്പെടുത്തി.
മുപ്പത്തിയെട്ടാം മിനിറ്റില് മിലിക്കും തൊണ്ണൂറാം മിനിറ്റില് ലോസാനോയുമാണ് നാപ്പോളിക്കായി ഗോളുകള് നേടിയത്. ഈ വിജയത്തോടെ നാപ്പോളി 27 മത്സരങ്ങളില് നാല്പ്പത്തിരണ്ട് പോയിന്റുമായി ആറാം സ്ഥാനത്തെത്തി.
മറ്റൊരു മത്സരത്തില് ആന്ദ്രെയസ് കൊര്ണീലിയസിന്റെ ഹാട്രിക്കില് പാര്മ ഒന്നിനെതിരെ നാലു ഗോളുകള്ക്ക്് ജെനോവയെ പരാജയപ്പെടുത്തി. 18, 33, 53 മിനിറ്റുകളിലാണ് കൊര്ണീലിയസ് ഗോളുകള് നേടിയത്.
കഗിലിയാരി ഏകപക്ഷീയമായ ഒരു ഗോളിന് സ്പാലിനെ തോല്പ്പിച്ചു. മറ്റൊരു മത്സരത്തില് ടോറിനോ എതിരില്ലാത്ത ഒരു ഗോളിന് യുഡ്നീസിനെ പരാജയപ്പെടുത്തി.
