തിരുവനന്തപുരം: അനധികൃത സ്വത്ത് സമ്പാദനക്കേസില് ടോമിന് ജെ. തച്ചങ്കരിക്കെതിരെ വിജിലന്സ് അന്വേഷണം തുടരാമെന്ന് ഹൈക്കോടതി. കേസില് നിന്നും ഒഴിവാക്കണമെന്നാവശ്യപ്പെട്ട് തച്ചങ്കരി കോടതിയില് നല്കിയ ഹര്ജി തള്ളിക്കൊണ്ടാണ് ഇക്കാര്യം അറിയിച്ചത്.
ഇതുമായി ബന്ധപ്പെട്ട് നേരത്തെ വിജിലന്സ് കോടതിയിലും തച്ചങ്കരി ഹര്ജി നല്കിയെങ്കിലും അതും തള്ളിയിരുന്നു. വാദങ്ങള് ഉന്നയിക്കുന്നതില് കഴമ്പില്ലെന്നും അദ്ദേഹത്തിനെതിരെ തെളിവുണ്ടെന്ന് കോട്ടയം വിജിലന്സ് കോടതി വ്യക്തമാക്കുകയും ചെയ്തിരുന്നു. കുറ്റം നിലനില്ക്കുന്നതാണെന്നും വിചാരണ നേരിടാനും ആവശ്യപ്പെട്ടിരുന്നു. ഇതിനെ തുടര്ന്നാണ് തച്ചങ്കരി ഹൈക്കോടതിയെ സമീപിച്ചത്.
2003- 2007 കാലഘട്ടത്തില് പദവി ദുരുപയോഗം ചെയ്ത് 65 ലക്ഷത്തോളം രൂപ സമ്പാദിച്ചതായാണ് കേസ്. എന്നാല് സ്വത്ത് കണക്കാക്കിയതില് തെറ്റുണ്ടെന്ന് തച്ചങ്കരി അറിയിച്ചു. തൃശൂര് സ്വദേശിയാണ് കേസ് നല്കിയത്.
